Running 豬

打開衣櫃，發現有好多衫都著唔番，點解會比自己咁肥架?? 度上身半邊身都著唔落，咩! 原來我有瘦過架，唉! 後悔都太遲了，都怪自己太放縱食嘢喇！攪到而家肥腫難分，想減都唔係咁容易，真係年紀大機器壞，新陳代謝慢慢慢，成日都話想減肥，但次次都失敗收場，有講冇行動， 不過近排知道一位食嘢好鬼健康既朋友有膽固醇過高之後，忽然"叮" 醒咗我，要好好注意健康，所以而家好努力戒懶，晚晚去做 running豬，希望收脂平衡一吓，唔好再做 fat fat 豬 啦!   

某日黃昏

自從公司隻影相腳走咗之後，我都好耐冇出動過去影相....

早排約咗公司兩位美少女去中環影相，攞起我部 honey ，感覺真係好陌生了......

影相既時候，完全冇晒感覺又提唔起興趣，最慘連就位都唔識 tim，點算呀 ! 

以前都唔係咁ga ，莫非我對影相既熱情已死..........??? 

算啦 ! 和兩位美少女講 bye bye後，我又一個人走咗去坐船

好在我對坐船既熱情還在........

Happy moment

早幾日放工同公司兩位美少女走咗去銅鑼灣食嘢！

因為大家都想食韓國嘢，所以一早已經target 咗e間平價 hungry korean 韓食店。

oh！去到門口都心知不妙，不過一場嚟到都試吓啦！

三個人叫咗幾款嘢食，味道真係一般般了！睇吓個買相就知喇! 

石頭飯 ~ 好細碗，我牙縫太大唔多夠喉呀 !

一年容易又中秋

嘩 ! 今年個月光真係好圓好大個，睇見都好鬼開心

 

綠豆餅

近排唔使返學，好鬼得閒，放咗工除咗食就係瞓，生活極度無聊之下，最好緊係搵吓屋企有咩零食，去填補吓心靈既空虛啦！ 可惜我唔係好好吃零食，媽媽緊係唔會買定零食擺係屋企等發霉啦！ 雖然冇零食，餅乾都應該有呱！！！ 搵吓媽媽個私人食物櫃先，哈哈！ 搵到喇！迷厘綠豆餅，唔知媽媽係邊樹入貨呢？ 點解冇食物標籤？是但啦！唔理咁多食咗先算，應該死唔去，俗語有云：博一博唔使兩頭撲，死跟！ 嘻嘻！點知食咗一口就上癮了，當然也會要讚吓媽媽今次入到咁好食嘅貨啦！媽媽非常開心，日日係"家園"補貨(好似話係元朗出產，講咗一輪都唔知係咩舖頭?)，攪到貨源充足，我就日日食到冇停口，剛剛又食咗三個了。口痕起上嚟都真係冇辦法，而家真係肥到冇朋友呀！現眼報喇！做宅嬸都係罪有應得！哈哈！

喜歡在船上

某年某月某日，我又從中環天星碼頭上船