有幾趕 ?

阿姨: 唔該阿姑娘, 我有醫生轉介,好急架, 排個快 d 既期比我, 我地好urgent 架!

職員: 阿姨...唔好意思呀! 因為約一般評估個排期有 d 滿, 要等幾星期先有位呀!

阿姨: 有冇攪錯呀! 我好急症喎, 點解要排咁耐呀 ??

職員: 因為資源有限, 主要係比急診先, 所以非急診會排得比較耐囉 !

阿姨: 我真係好趕住,都係好急..... 無理由.......咁耐.......離晒諳丫

職員: 真係唔好意思了, 都係要等通知......

阿姨: 我都好急ga, 我真係好趕架.......即刻啦 ! 點解要排.....

職員: 今日已經排滿晒了, 所以要等排期囉, 要排咗期先可以同你做到評估, 評估後才知用唔用到架.....

阿姨: 我真係好急, 我都係急症, 好趕架.............

阿姨: 急症都點解都要排, 你知唔知我好趕......趕住要買張輪椅, 去睇醫生......

職員: .................. (有冇聽錯丫 ?)

阿姨 : 你地唔好講咁多啦 !  買張輪椅比我就得啦!

職員: .................. (買嘢定睇病呀?)



原來買輪椅去睇醫生都係急症,  醫院仲要做埋零售,  e 個阿姨其實係未真係急 ?? (唔知)

只知而家去醫院睇急症都要排幾個鐘, 專科睇病又係排好耐 !

真係唔識分咩叫急, 咩叫唔急囉! 

城門水塘

12 AUG 12 (雨)

和同事4點幾先決定出發城門水塘，目的為了睇水浸白千層

一家大細遊澳門

14 & 15 Aug 12

哈哈 !今個月第2次過大海，又去食食食玩玩玩，帶埋媽媽約埋細佬+親家，一行9人遊澳門

因為好難得有咁既機會，超珍惜又開心呀 !

今次揀咗住galaxy hotel 住，貪佢有人造沙灘同童樂島，方便2個BB 去玩

galaxy 房間都ok 大啦!  不過個人喜歡 hardrock  多 d..........

當日天氣好好呀! 唔知係未因打風前一兩天，真係又熱又焗.......

攪到同行2個 BB 出晒粒粒，唔肯落地........

真係辛苦晒佢地既 daddy & mummy

銅鑼灣避風塘 (傍晚篇)

韋特森颱風到訪前幾天

跑了去銅鑼灣避風塘影相

天氣麻麻地，下過雨，仲有厚雲，咸旦黃既日落欠奉了

又睇又食澳門行

尋日過咗去澳門睇林憶蓮演唱會

3佰幾蚊包來回船飛，仲有演唱會睇，真係好鬼抵