今次自由行冇買咩旅遊書去，係網上爬吓文，去書局睇吓d韓國書，+上同行有朋友去過，
咁就出發la..........
行程都是很自由的，想去就去，e個就係我既行程 la
第一天 明洞、東大門
第二天 昌德宮、北村韓屋、梨大 & 新村、東大門
第三天 濟州 - 龍頭岩、天帝淵瀑布、中文大浦海岸柱狀節理帶、Sex Garden
第四天 濟州 - 山君不離、Trick Art Museum、日出城山峰
第五天 明洞、東大門
第六天 南怡島、東大門
第七天 首爾塔、LOTTE MARKET、新沙、東大門
第八天 弘大free market
既然玩完返嚟，就寫番 d 小小心得先................
出門前最好買定清熱酷，韓國好多嘢食都係辣，同埋一定會食好多韓烤，超熱氣丫
韓國天氣比香港干燥，可以係family mart or 7仔買支蜜糖水飲 (不過我就覺得偏甜呀)
我好鍾意飲咖啡，日日都飲買番杯，唔知係未天氣比較干燥，味道一樣係偏甜丫
世界各地都小不色有扼人開的士佬，韓國都一樣，d 的士司機多數只識講韓文，
有d 睇韓文都唔識丫，穩陣d 都要記得攞番張韓文酒店咭片，係街搵人講都易 d ma
仲有丫 有d的士司機會扼人ga，上車前最好睇吓佢有冇落咪錶，如果落車就做咗屈原la
弘大同梨大係同一條地鐵線，最好編埋同一日行，咁就慳番時間又唔使咁累，
梨大多數都係女仔嘢，弘大就多dd 男仔舖啦 ! 兩處附近都有好多cafe & 食店
新沙 買d 嘢好靚，多數都係d lady 衫，咁當然就會貴d 啦 ! 成個中環咁......
過果度d韓國人個個都打扮得好靚，睇吓d 1米8既型男同d 韓妹，都值回票價啦 !
仲有果度有好多裝飾得好有格調cafe & bar，可以去試吓!
昌德宮，記得要預留2至3個鐘先行得晒呀 ! 同埋要入去後院行個圈丫，後院靚好多ga
如果要去北村韓屋，就要有心理準備行斜坡了，因為d韓屋多數係晒山頂呀 !
行晒都要1至2粒鐘啦 ! 仲有果邊 附近都有好多嘢食ga
爾站既LOTTE Market 係有得退稅，比完錢之後係右手面有個counter 可以辦退稅，
記得攞埋passport 去呀 ! 如果買skinfood 可以係lotte market 買，因為專門店冇得退，
如果你係lotte 有退稅咁未抵 d lor
明洞d舖頭比較早開，10點鐘就已經開得7788，仲冇咁多人tim，可以行得舒服d....
係明洞有好多旅遊大使，仲有d明洞書仔派，揸住個本書有埋地鐵既線路圖，
坐地鐵去邊都冇問題，書仔上仲有d食店既優惠卷可以用tim，記得攞番本呀!
上首爾塔是要行好多樓梯同行斜路，有老人家都係坐的士上去為好丫
我是坐地鐵去南怡島的，車程比較轉接，來回車程要成4個鐘，要預好時間...
仲有東大門一晚係行唔晒，可以分開幾晚慢慢行，不過有d一件唔買ga
玩完番嚟之後既小小感想:
首爾既主要景點都可以坐地鐵過去，地鐵既指示仲好清晰tim，一定唔會搭錯車，
最多會落錯車啦 ! 不過好多時就要左轉右轉，而且電梯又唔多，
多數要用一雙腳行，轉多幾次都幾係嘢丫! 我就累到 PK..........
最好就係夾埋晒同一條線既行程，唔好好似我咁分開幾次去呀!
一來慳時間，二來慳番D腳骨力丫
又或且坐公巴啦 ! 不過上下班時間都好塞車吓 .......
係大多數主要遊覽區，好多服務員都可以用普通話溝通了，不像我以前去咁，
唔好話中文，英文字都唔多隻，都好方便丫........
哈哈! 韓國d人真係好鬼粗魯，成日都推你，不過e d我估係佢地既文化，
你推番佢佢又唔會鬧你wor........
去咗8日發現咗一樣嘢 ! 佢地條街係冇垃圾桶，但地方好清潔丫......
真係唔明白，莫非佢地係冇垃圾ge.........???
係韓國食既嘢，買既嘢，睇既嘢都有，而且方便到不得了，
唔掛得知近年咁興去韓國玩啦!
嚟吓韓國hea吓都幾好丫，d嘢都好啱我，今次玩完番嚟，令我對佢完全改觀了
哈哈 ! 有咗今次既經驗，下次去韓國應該plan得好d la ......
沒有留言:
張貼留言