一家大細遊澳門

14 & 15 Aug 12

哈哈 !今個月第2次過大海，又去食食食玩玩玩，帶埋媽媽約埋細佬+親家，一行9人遊澳門

因為好難得有咁既機會，超珍惜又開心呀 !

今次揀咗住galaxy hotel 住，貪佢有人造沙灘同童樂島，方便2個BB 去玩

galaxy 房間都ok 大啦!  不過個人喜歡 hardrock  多 d..........

當日天氣好好呀! 唔知係未因打風前一兩天，真係又熱又焗.......

攪到同行2個 BB 出晒粒粒，唔肯落地........

真係辛苦晒佢地既 daddy & mummy




已經好耐冇係大三巴影相了，今次帶埋我部honey 去，當然要同佢影吓啦!



澳門政府喺文物保育方面真係做得好好，值得一讚

香港真係冇得比......唔拆咗去就已經阿彌吉蒂

睇吓e個咁有特色的議事亭前地，保存得幾好......

不過已經比自由行+香港人攻陷咗，見人頭多過見地下(以為平日去會好少少，點知都係一樣)

所以唯有影吓個天算了...........

大家都肚仔餓要去搵嘢食喇 !

今次我做咗為食團長，要帶佢地去食嘢 ! 又大又細去得邊，唯有係新馬路附近 d 食店食啦 !

先帶佢地去阿蘇介紹過既生利炸魚片 (本人覺得麻麻地)，不過去試吓都無妨.....一次ok啦!

原本打算去陳光記食燒鵝+鴨紅，不過超多人，插針都插唔入.........

算 ! 即撇食其他先 (最後都食唔到，售罄了，下次唔該請早)

食番個街邊牛雜頂吓餓先.......

咖哩榮 - 上次食過佢個curry 幾ok， 今次介紹比佢地食吓，推介要試個蘿蔔

再向營地街市進發



煲仔奶茶 - 又真係好滑溜喎 !  不過茶味唔夠，幾蚊雞，就算啦 ! 要求要降低d d 就番



個奶油多士超正 ! 豬扒包都唔錯...... good!

之後我地再encore 多件奶油多 tim.......

3 杯奶茶+ 1杯紅豆冰(冇味) + 2 件豬扒包 + 2 件多士  = $96 ........ ...果然係街市食嘢係抵d 喎!



再掃埋隔離既 窩蛋牛肉飯($25) - 軟綿綿既白飯，厚厚的肉餅.......

之後轉戰果欄街 & 十月初五街再食過

楊六記牛雜、洪馨椰子雪糕、何開記白糖糕(又買唔到>_<)、時香買花生，三盞燈豬腳薑.....

影番張 懷舊大龍鳳先.........

街頭街尾都見到好多魚翅，市道好似好興旺咁喎!

既然係咁我地都去食番煲cheap cheap 翅先....

轉戰福隆新街翅客.........

$90 雞湯翅 (咁就緊係同陶陶居差好遠啦! 包括價錢) 

最後又點少得去食六記蝦子撈，鯪魚球，炸雲吞 & 鳳爪丫......

又加咗 ?? $33 蚊蝦子撈.....上次食好似唔使3字咖 !!! 咩都貴晒



大大粒鯪魚球，唔腥啱我呀!



大家都食飽飽，係時候返酒店，galaxy 既夜景真係靚爆呀! 

大家行咗一日都超攰了! 

所以佢地就立即飛奔上房沖涼餵奶兼瞓覺 ，因為ＢＢ第２日朝早仲要去玩水

我就轉戰GALAXY 賭場博一博，玩到半夜4點，贏咗一百蚊咁大把........呵呵 ! 好彩 !

第二朝 ，親家同細佬兩公婆帶埋2個 BB 遊完水，都勁讚個泳池超正 !　

可惜我冇去參觀吓tim，因為我掛住瞓呀 !　

佢地玩完我又瞓飽，又食過．．．．．．．．．．

lunch buffet @ galaxy 群芳(中銀咭有九折), 試過2次walkin都冇位，所以一早 book 咗.......

個人習慣先食甜品，甜品真係幾好.............尤其係木糠蛋糕

好在第一round食咗，遲少少都比人攞晒.......



食物款色都算多，味道都唔錯，算係幾好食，不過沒有刺生食，只有壽司就令我有d d 失望了

拉面 & 海南雞 & 杯咖啡 ，比想像中ok 好多 ，要 try try !



開心既時間過得真係快，兩天澳門遊話咁快就過

哈哈 !  我要同豬豬say goodbye la ........