綠豆餅

近排唔使返學，好鬼得閒，放咗工除咗食就係瞓，生活極度無聊之下，最好緊係搵吓屋企有咩零食，去填補吓心靈既空虛啦！ 可惜我唔係好好吃零食，媽媽緊係唔會買定零食擺係屋企等發霉啦！ 雖然冇零食，餅乾都應該有呱！！！ 搵吓媽媽個私人食物櫃先，哈哈！ 搵到喇！迷厘綠豆餅，唔知媽媽係邊樹入貨呢？ 點解冇食物標籤？是但啦！唔理咁多食咗先算，應該死唔去，俗語有云：博一博唔使兩頭撲，死跟！ 嘻嘻！點知食咗一口就上癮了，當然也會要讚吓媽媽今次入到咁好食嘅貨啦！媽媽非常開心，日日係"家園"補貨(好似話係元朗出產，講咗一輪都唔知係咩舖頭?)，攪到貨源充足，我就日日食到冇停口，剛剛又食咗三個了。口痕起上嚟都真係冇辦法，而家真係肥到冇朋友呀！現眼報喇！做宅嬸都係罪有應得！哈哈！