丹霞山遊記 @ 長老峰

我和朋友仔一行三人，為咗明年既西班牙行山之旅，所以嚟個 pre-trip 旅遊 ，

近近地去咗丹霞山 試試大家既實力同忍耐力，以防到時朋友都冇得做

結果......當然係超愉快啦!

 ok ! 出發.......

16/11/2013 (陰)

早上從深圳北站坐8:30am高鐵去韶關，車程只係一個鐘頭多dd，真係話咁快就到......哈哈 !

(如果係羅湖坐地鐵過去深圳北站，大概要40分鐘時間，要預鬆少少喔)

韶關有兩個火車站，高鐵果個係韶關站，而我地坐去丹霞山既大巴站就係韶關東站

e 個就係韶關站喇 ! 出站坐22號 bus 直達東站，照方便呀! 

去到東站下車，火車站廣場前就有大巴去丹霞山

位位 $16 蚊人仔，坐滿就走喇 !

車程又係一粒鐘多 d d ，又可以瞓番個靚覺........呵呵 !

落車之後向前行，就會見到 e 個地標，不過唔係e 樹買飛，係係右手邊有棟 售票廳 買飛

價日多謝 : $120元人仔 (24 hrs 有效)

咦 ! 點解個場面咁靜 ga ????

唔理咁多，開始我地既  行山之旅 

入咗景區，先坐佢地架 呠呠車去到元陽景區 (多仔村 / 斷石村)

原來d人嚟晒 e 樹，旅行團居多，佢地既旅遊巴直入，所以大門口冇咩人

過咗e條橋，左手邊第二行屋仔行到尾，就係我住既地方

先放底我地既行裝係紅豆蘭庭客棧，三人房$130一晚

地方唔錯，好干淨，熱水 very good，老闆仲好熱情地請我地食橙

(記得問客棧攞張地圖先好出發呀! 佢地會教你點行 ，所以唔使擔心唔識行...)

食埋午餐，2點鐘係元陽景區坐車去長老峰出發喇 !

景區開發得好好，全程都係石級上落，唔洗怕蕩失路，只會錯過景點同行遠 d囉！

第一個景點：錦石巖寺，一個依山而建既寺廟

影番張.錦江河景先

好.!睇完，繼續向前行.....

行咗冇幾耐就會見到"一線天"

哈哈! 見到條咁長既樓梯，當然係唔想行啦! 之後我地決定行另一邊喇!

之後我地發現係明智ga.....

向前行......???  應該係向上行先啱

開始行都幾舒服，不過見到 e 樹之後.....

８0度角企係度行腳都震呀!　哈哈！ 

鄉下妹......行到中間畏高症發作，仲腳軟軟 tim，點算呀！

好在有兩位朋友仔既體諒，懶豬唯有頂硬上啦！

過完 咁斜既丹楊鐵鎖之後，好快就會到頂喇 !

克服到畏高症既話，其實真係唔難行

影番張地圖比大家 look look，係未好清楚呢??

 同隻肥豬腳打吓咭先，證明我真係有嚟架

又係樓梯，好在做咗 running 豬咗一排

身體狀態都唔錯，如果唔係應該會頂唔住喇!

woh ! 4:15pm 上到長老峰 (觀日亭)，風景真係無限好，可惜天氣麻麻地

不過真係好開揚好舒服，好值得一去

休息咗一陣，時間不早，已經四點幾了，繼續趕路下山

因為天色開始暗了，秋天早日落，下山好危險

真係上山都唔多易，下山又係無限多石級

woh ! 好多樓梯呀!

鄉下妹既怕黑病又發作，一口氣沖落山 

咦! 又見番一線天.......

明白了，如果係一線天上就要行剛才要行既樓梯，好在我地選擇了行shortcut

如果唔係行e 邊咁多梯級都幾辛苦

行快d，行快d，我又繼續開 turbo

趕去陰元石look look 先，雖然已經 look 過一次，不過到此一遊都要啦!



5:10pm 嚟到 陰元石



回望剛才到過既觀日亭，woh! 忽然覺得自己好叻叻

感覺良好完後，繼續向翔龍湖進發，坐船走喇 ! 由陰元石行過去大概 20分鐘啦 ! 

oh ! 去到話尾班船開了.........

好在前面班強國人利害，夠人多，懶豬也可以受惠喇 !

(翔龍湖 - 尾班船 5:20pm)

輕輕鬆鬆，行吓笑吓，全程用咗3 粒半鐘，咁就行完長老峰了

行完山，當然要飲番支大可樂獎勵自己先啦 ! 

嘩 ! 估唔到夜晚仲有煙花比我睇，真係超開心呀！

飲飽食醉，返歸休養生息喇 !

第一日輕鬆完成，期待明天元陽景區之行