東北之旅 @ 烏蘇里淺灘

2012年12月21日 是日冬至又係世界未日大日子

一覺醒來，好彩太陽仲係度，依舊都係東面升起...............

不過後來發現e度既太陽永遠都唔會係頭頂，只會係45度斜視你.......嘻嘻!

出發前 醫吓個肚先.................

呵呵 ! 有幾鮮嫩呢 ?

師傅 ~ 我食完喇 ! 等咩呀 ????

原來師傅等埋佢個朋友一起出發．．．．

正所謂出外靠朋友, 係冰天雪地既情況下，好等路上有個照應喎 !!!

咦 ! 冇想過要咁小心tim，後來路上冇咩車，我就明白晒了，比個like 佢先

出發喇 ! 離開漠河縣城向中國大地最北既地方出發喇 .................

都成9點幾，個太陽好似冇咩力，係未肥得滯升唔到上去丫.......

哈哈 ! 返大陸真係好好笑，逢有河既地方都有彎睇，要睇就要收費啦!

歡迎嚟到黑龍江大興安嶺九曲十八彎景區......多謝 $20!

錢就唔慳得，一場嚟到咩都要睇啦!



woh !　感覺如何．．．．．吹到吹到我身痛，真係好鬼好鬼凍呀！

凍到冇晒心機，都唔好講咩風景，下面有幾張相，靚唔靚就自己睇啦！　



嚟ｅ度影相，ｗｉｄｅ鏡好重要．．．．



不過我冇ｗｉｄｅ鏡，我有傻瓜機，唯有左影一張右影一張啦！

係零下廿幾度太陽伯伯都肯出嚟，冇偷懶都知你已經好盡責了，不過太唔給力了

完全感覺唔到暖的感覺，冷冷冷好冷呀 ! 

車子途經圖強，除咗可以係漠河出發找北之外，係圖強都可以的....

鄉下妹出遊，第一次見到咁多雪，其實內心好興奮......

但好可惜得我一個人，無理由自己發花癲，唯有將佢收埋係內心深處啦!

攞部單反出嚟扮攝友啦!  左影右影，咩垃圾都影!  發泄吓都好啦!

跳番上車繼續出發，天開始下著小雪花，好浪漫..........

忽然師傅叫我落車，咩事呀! 我在陶醉緊喎 !

咁凍真係唔係好想落車呀 ! 結咗冰既河有咩好睇喎 ??

e 條河叫咩名呢 ?? BB班程度普通話既我，聽咗都唔識....

但記得佢有個綽号叫"母親河"，點解啦! 



個故事呢...

話說當年大火災，燒呀燒，燒呀燒，係人都要逃亡啦!

跑到嚟E樹，前無去路，後有火燒，冇路可走，唯有跳河啦! 

一跳......好在係冰冷既河水，冇煲滾到 ! 咁就救回不少人既命仔

母親河 既綽号就係咁嚟喇 !



跳完河之後，係結咗冰既河面爬番上去既時候.........

咦! 太陽伯伯原來你仲係度呀 ? 冇感覺你既存在真係唔好意思呀!

原始白樺林，好瘦吓！一條條ＭＯＤＥＬ咁既身材棟晒係度 ，

請問妳地凍唔凍呀 ??

有大光燈射住暖暖地，還可以啦 !

繼續向白茫茫既道路出發喇 !



終於嚟到未日找北之旅既重點，烏蘇里淺灘 ..................



恭喜我 ?? 有幾北先................



有幾北.......自己睇啦!



雖然同真正北極90度仲有好遠既距離，但這處已經係祖國最北既地方了

緯度等同於去咗轉倫敦同巴黎了，都幾想係度打咭，不過冇信号喔!

仲有結晒冰既黑龍江江面，可以走落去行吓，對面個山當然就係俄羅斯啦 ! 

太陽伯伯，仲係E個位ga ，成點鐘喇 ! 快d 升高 d 啦 ! 



係雪地轆咗一陣，又玩咗一陣，主要目的完成了，比個叻自己先 !

下一站又係彎，今次係黑龍江第一彎，暫時唔使收費..........



上面起緊屋仔又有好靚既樓梯仔，應該距離收費計劃不遠矣 !!!!



經過上次行虎跳峽，已經知道自己行樓梯真係唔係好得......

所以我同師傅講.......我我我唔上了

同行既北京&湖南大姐，仲有西安叔叔都叫我上去啦!

猶豫不決之際，師傅就二話不說就強拉我上去........

死緊緊了!  未到一半我就想返轉頭 la，師傅出盡9牛2虎之力又拉又推，我先可以到頂

真係丫 ! 不過風景一流，天還下著雪花，嘆番口茶就正喇 !

冇wide鏡 ，傻瓜機又舊，左影右影都影唔晒 !  不如試吓打側丫...........

，

又上山又下河，時候都唔早又到三點幾 ! 好似冇升起過既太陽伯伯要收工了

辛苦晒呀 ! 太陽伯伯，明天請準時上班呀! bye bye

到咗北紅村，是晚我要瞓身火坑 ! 

阿姨 ! 包起個火坑床丫唔該 !

未日大日子又係冬至，北京大姐和西安叔叔見我一個人，就邀請我去同佢地一起食飯飯  

仲請我飲30幾40度既白酒，哎呀 ! 火燒.........醉醉地tim

開開心心咩都講，不過係佢地講，我d普通話真係 no good 呀!

北京大姐見我咁，用咗d普通話又夾住 英文同我傾計，好羨慕佢地既旅行經歷呀!



回到客棧， e 個阿姨好好人，同我傾咗好耐，仲搓餅餅比我食............

佢起初以為我係學生妹 妹妹仔 ，一問之下，我仲大過佢 ，嚇咗佢一嘢!

一瞼担心既樣子，成晚講住一個人咁悶，仲唔快 d 搵番個男朋友嫁 !

年紀大机器坏，會生笨小孩......... 

仲講嫁唔出就留係樹，e度女人好吃香，男多女小，介紹d 比你丫

好好笑，但又好溫馨呀! 有機會再番嚟同你傾計吓  (仲有個餅好好味)



2012年12月21日的冬至就係這樣渡過了........