東北之旅 @ 漠河

從漠河回來已經三個月了, 現在才捨得走上嚟寫埋e個遊記，真係有d 懶呀!

2012年12月20日 從哈爾賓出發坐飛機去漠河  ，開始找北之旅了

7 點鐘.....東北大地的太陽才剛剛升起，感覺到太陽那份暖意直照入我的心窩裡，甜晒!

唔好以為我會坐e隻大飛機..........

其實係坐e 隻螺旋槳飛機，一眼睇晒個機艙，忽然覺得好驚嚇，3粒鍾點算.....

鄉下妹出城未坐過e d飛機，真係好鬼担心佢會玩飄移呀!

全程3個小時，坐咗好似2粒鐘左右啦 ! 就係加格達奇停20分鐘..................

哈哈! 一落機全架飛機d 人既行動都好一致，攞部相機出嚟不停地影相，目測d 職員都習慣晒

大聲叫了兩句，向前行 就算了



候機室好舒服，一場嚟到當然要巡吓個洗手間先啦!  唔錯都好干淨吓



飛機上向下望.........

嘩嘩嘩! 好白滑喔.......



終於嚟到漠河了，指定動作當然緊係影相啦!

機場好細好細，比香格里拉嗰個仲細，

由踏入E 棟BUILDING 到行李帶直線行出門口應該20-30步左右吧!

嘻嘻! 真係冇扼你架........

唔知往後日子鄉下妹 再出城既時候會唔會遇上更細呢??

一出機場就見到預約好的包車師傅夫婦二人來接機了

我的行程全部由他們一手包辦，因為我懶費事再搵資料，反正一個人出去玩已經預咗比別人貴了

更何況e 對夫婦都幾老實，冇強拉我去吃咩買咩，順睇遊呀!

第一晚住既地方，都幾好好干淨，好企理........師傅代訂$120/晚

不過就離城中心有點拒離......








賓館行過少少就係北極星廣場.............



向上望，有粒星



向下望，有成個漠河縣城



樓梯好滑.........小心摔跟頭喔 !!! 

(哈哈! 嚟到漠河好似撞鬼咁，都唔知點解日扑夜扑，北極星廣場係摔跟頭既開始，之後有相為証)



去到冇咩拉力賽睇，因為一早已經完結了，睇番師傅係QQ度既相，好鬼熱鬧呀 !

係北極星廣行咗一陣，轉戰松苑.......

E 條咁幼既松樹已經有40年樹齡，係極寒既天氣下想生肥D都難呀!

兜咗一陣，好似冇咩特別，點解無端端要走嚟睇呢?

吳姐講原來有段故................自己睇啦!




之後去睇完大興安嶺火災紀念館，感覺嚟松苑就更加有意思了



其實我唔知 E 個紀念館要唔要收費? 不過師傅吹我快D啦快D啦 跟住個旅行團入去......

咁就跟住班強國人四圍 LOOK ..............

日曆就係當年大興安嶺大火災的發生日期



係正入門口處，指定動作係人都會同E張大日曆影相，我當然唔執輸啦!



其實入面有D場面都幾驚嚇，成個大興安嶺燒晒，真係好恐怖呀! 

 見到D救火員既裝備，又嚇一嚇!  真係要同E班偉大既解放軍同志致敬呀!



大火將成個漠河燒晒，現在既漠河縣城是新建的，這就是重建後既規劃模型 la.......

當年燒剩得三個地方，松苑、路邊公廁，同埋e個清真寺.....



平時我都唔係幾鍾意睇大陸d咩紀錄館，掠水又無聊......

不過睇完 lee 個感覺又幾好喎，雖然場面好驚嚇，但是好真實

有時間既話都幾值得去look look，可以加深了解當地既歷史

係正火災館對面有兩棟仿古建築物，都幾有特色丫





今日行程都差不多了，三點幾鐘太陽開始下山了........



行完一輪，睇完一輪，真係開始感覺到"凍"呀!

個天咁藍又有太陽，未以為唔凍，其實已經係零下26度了!

不過又唔係傳聞中凍得咁恐怖，因為好好彩個天冇同我玩大風吹，所以暫時還可以接受啦 !

入夜之後都唔敢出去，見到d 冷氣係出面吹入嚟，真係好鬼凍呀!

唯有悶悶地係賓館等待世界未日大日子2012年12月21日的來臨