貝澳至梅窩 @ 2013

14/10/13 (毛毛雨)

今日唔知行邊樹呢?? 聽細佬話，乖乖地坐車去貝澳

opss.....原來係由貝澳行到梅窩

13:25 出發.....

入村.....鹹田村

oh! 開始落雨......

一開始就落雨，繼唔繼續行好呢??? 

行咗一陣，細佬忍唔住出聲話 e 條河真係好嗅，條村d 人點住呀 ??

哈哈 ! 錯晒......

係牛屎味，沿路都有一陣陣濃郁既牛屎味籠罩住

聞一聞，真係舒筋活胳

hello ! 老人山

因為有邊光頭 ，所以叫"老人山"，真係好想像力

見到e 樹繼續向前行， 就會見到e 條樓梯

右面石級上山，左面車路

講門明嚟行山，我地緊係要行石級啦! 見到幾個老外拖住隻狗就行車路

行咗10分鐘就到咗個亭

向上行，向上行....大汗疊細汗

點解會會合番剛才見到既老外村民ga，班老外好奇怪，點解又見番我地ga

陰陰笑...oh !another way......

我想像到，行車路應該會舒服好多囉! 因為佢地隻大笨狗仲識笑囉!

今日出發時間太晏了，芝麻灣就留番下次先行

繼續向梅窩出發喇 !

今日相遇既第一條標柱 L  127

上到e個位剛剛好 14:10，望番剛才出發既咸田村

e條路線，應該唔多人行，一路行d草都好長

雨沒有停過，花也沒有看到，紅葉就有 2 塊

前半路，行石級為主.....

回望剛才爬上嚟既石級，都算易行，路況都唔錯

繼續努力向上行.....加油呀!

唔知係谷上山辛苦定係落雨關係， 雨水和汗水已經渾為一體 ! 

D 汗會不停咁流，抺都抺唔切.......

嘩! 好多草.. L129...唔留意就真係睇你唔到.....

行咗個半鐘頭，終於行到山頂喇!

測量站 & 蓮花山

行到第一個頂，緊係嚟番個全景先啦 !

再嚟過近睇貝澳

到咗 E 樹之後就開始舒服喇 !

因為鄉下妹可以下山去搵回魂大檸樂喇!

分岔口.......行左定行右呢???

右行向白富田營地進發

又見到小樹先生生咗層皮保護自己，自行運功療傷

又係分岔口....左定右.....??   我知! 我知! 左右都有廁所

哈哈 ! 好明顯我行錯咗一次啦! 應該係行左面.......

細佬話我，廁所有咩好影........

我話我第一次見到個好似 salon 既廁所，緊係要影張相笑吓啦!

笑完.......繼續下山

難得見到有花花，離遠睇好似熟咗既香蕉 

16:10 嚟到 L 133 既標記柱

前面風景無限

先出現既係芝麻灣

喜靈洲都見到喇 !

長洲、南丫島、喜靈洲、周公島、坪洲

嘩 ! 好正既風景

休息咗一陣，繼續向梅窩出發

仲有半粒鐘....GOOD!

已經到咗L 137 ，今日目標係 L 139......快喇!

最怕濕淋淋既泥路，感覺唔多好 !

望到梅窩碼頭喇 ! 行快 D 行快 D

我要飲大檸樂 

嗚 ! 我係終點 L139比隻白蚊衣蚊鍚咗一啖呀 

好 ! 17:15 任務完成，全程用咗3粒半鐘，上山下山路各一半

所以梅窩定貝澳出發都一樣啦 !

 

呵呵 ! 繼續....下一站....長洲食飯飯

坐番轉開心橫水渡先

6點幾天都黑晒，冬天不遠矣

18:45 到咗長洲，先走去買番幾件媽媽至愛紅豆糕先

再去街市會合媽媽買海鮮.......

我最鍾意食既椒鹽獺尿蝦.......

炒蜆.....

又點少得細佬至愛生炒骨丫

韮菜豬紅生腸... no good ! 生腸好嗅呀!

好耐都冇嚟過長洲食飯飯，又好耐冇食過大排檔，今日真係好滿足

雖然長洲已經好商業化，但我覺得還可以找到一點漁村味，最重要係冇呠呠車

所以我都幾喜歡長洲，仲有呀 ! 今次路過阿倫冰室，見佢門面已經重新翻新

唔知佢既咖哩同干炒肉片意既味道有冇變呢?? 搵日要入嚟食番先得，尋找遺失咗既青春回憶都好

食完飯飯...孖住媽媽 & 細佬 去允升食糖水

好耐冇食過涼粉，緊係整番碗嘆吓先啦! 

食完糖水慢慢轆番出碼頭坐船返歸喇 !

咦 ! 咩嚟架.......生菜魚肉、碗仔翅...車仔檔

哈哈! 又係好耐........冇見過同冇食過 (仲係白魚肉).....一碗吖唔該

哈哈 ! 買完上船繼續食.....

哎呀 ! 咁食法，肥到我自己都忍無可忍

食完嘆完....番去要努力做 running 豬 !唔好可以再做 fat fat 豬 !

(聽住先啦 ! )



快樂既時光過得特別快，要同黑忟忟既長洲 講bye bye 喇 !