雲南遊記 @ 香格里拉閒影

2013年6月13日 (晴)

今日行程先放低兩個朋友係普達措國家公園玩 ，我就可以四圍 hea 了

哈哈 ! 帶埋  我個  honey周圍影吓相先

六月份嚟香格里拉，又點少得睇杜鵑花

不過我真係嚟遲咗少少，好多都凋謝了.......

大杜鵑就睇唔到，不過就都仲有好多小杜鵑

如果係時候，通山都係開滿花，真係靚爆呀 !

真係有d 失望，兩次嚟到都睇唔到大杜鵑開花，莫非要我嚟多次 (又搵藉口去玩..呵呵)

除咗有小杜鵑，係這個時候嚟玩，仲有好多小花花

滿山滿地都係，都好鬼正呀 !

e 舊枯木側邊有棵草，好似話係藥材，不過叫咩呢? 唔記得咗 la.....

影完花花，接埋2位朋友，返古城了

四方街既燒烤檔開始營業，最怕熱氣既我，當然冇咩興趣試啦 !

所以好唔好味我就唔知道 la...



耗牛酸奶........要挑戰自己既尺道，你就去試啦 !

包你話酸到冇朋友...哈哈!





e 棵菜 又有咩好影呢?? 因為係時令野菜，上山採的

咩名唔知道，不過係本地菜，我緊係會試吓啦 ! 質感有 d 似 露筍，好正架 !



 一舊舊咁肉酸又係咩嚟呢??  

答案: 乳酪 (好似一堆堆屎咁既款，見到都唔想買呀!)

6 點幾鐘太陽都咁鬼好火，仲要爬上去返我間客棧

 就係佢囉 ! 紅石頭客棧，店主係深圳人，所以係度講廣東話係有人識聽架ga

唔好鬧人死蠢呀!

裡面既格調都幾好 feel 

天台 仲有個藍天白雲既古城 view 好正呀!

企係度吹吓風，同朋友吹吓水 .......爽呀!

今日就係咁樣百無了賴地渡過，咁簡單既生活又真係唔錯

真係好想搬嚟雲南生活，真係好鬼hea

醒呀! 醒呀 ! 恨吓好喇!

死窮鬼!

玩完好快 d 返去捱騾仔，有排都未搵夠錢退休呀!