香格里拉之旅 @ 德欽

DAY 3  (晴) 2 Apr 12

比高反玩咗一晚，早上起來既時候還覺得很不舒服，真的想返回麗江。

不過上一次去過黃龍有經驗，唔暈就應該冇事，加上冇氣速.........

決定向德欽進發lu......

e幅相係香格里拉路邊影ga........

師傅好好人，見到納帕海觀景台冇人把守，就停車叫我地快d影呀 !

影咗幾張相就叫我地快d 走，比人捉到比40蚊就唔抵了......heehee




過咗e個觀景台就進入214國道滇藏線了....................

開始既時候都係柏油路都ok ga......

後尾就越嚟越爛了............................

成條路仲沙塵滾滾.....................

爛成咁既路，高反已經想嘔啦! 如果+埋暈車就一定死緊緊........

好在師傅技術好好，一d 都冇暈車既感覺，仲坐得我地幾舒服tim..............

上網話4 驅車會舒服 d , 原來轎車都可以ok 行e 條路ga.................

入去德欽途中，風景真的很美...............

.師傅見我地好興奮地叫....桃花呀! 桃花呀 !

好識做咁停車比我地拍照喔 !

開開吓車，師傅又停下車，指著這些就是青稞.........

沿途師傅擔當埋導遊，介紹當地既得意事物和風景........

開咗大概3 粒幾鐘，終於去到奔子欄了 

奔子欄其實只是一條街，通常開車開到e度就係午餐時間，

所以有好多地方食飯........

不過我還是有些高反,唔多舒服就冇食飯....

只係路邊買咗幾個生果食........

e幾個生果，我稱佢為救命水果........

食完之後.......成個人醒晒 ! 可以同高反講bye bye lu............

等師傳食完飯........我地繼續出發la

開咗一陣就見到藍月谷了，金沙江係度轉咗一彎.......

果度起緊觀景台，遲d 可能要比錢la......

之後就係e 個毫不起眼既東竹林寺......

師傅話前面四方型個建築物係比尼姑住的.......



過咗奔子欄之後，師傅一路叫我地唔好瞓呀 !

瞓醒要氧多d，一缺氧就好易會頭痛唔舒服ga......

原因我地要經過雪山既丫口，海拔高易高反呀!

轉轉轉.......

轉了不知幾多個彎，就見到白馬雪山了........

師傅在最高處之前的雪地停下來，給我們拍照........

佢話最高處又凍又大風，係e 樹可以玩多一點時間........

仲話比我地知邊d係大杜鵑小杜鵑 tim..................好細心喔!

 

很少看到雪的我，真的很興奮...............

玩到師傅係咁吹我地走，唔好再影la.......

佢話一陣你地見到梅里雪山，就知咩叫靚 la.............到時再影都未遲呀 !

過咗e個丫口，之後上上落落又唔知轉咗幾多個彎，唔知行咗幾遠...............

忽然看到前面..................... 梅里呀 !

好靚呀! 好靚呀 !

師傅都冇我地咁好氣，只係不停地說我們運氣真的好好.......

由早上9點鐘係香格里拉出發，去到飛來寺已經係4點了........

師傅帶我地入住雪域神川酒店，酒店都ok ga，隔離就係守望6740......

一開窗就對正梅里雪山，四樓仲有個天台....風景仲好呀!

e 2 張就係第一天去到時係天台影既日落........

當時仲有個大陸佬不停咁話我唔加filter影唔到靚相tim.....

我究知啦!  銀兩有限唔要求得咁多la.........

睇得晒梅里太子峰都已經好開心啦 ! 影唔影到靚相都冇要求la........haha

心情真的好緊張呀 ! 唔知第二天可唔可以睇到日照金山呢 ?

因為酒店老闆同我地講，你地真係好好彩......

成個三月得3天可以見到太子峰一眼，還將佢係手機拍下的日照金山既video比我地睇.....

嘩嘩嘩 ! 好靚呀 ! 手機睇都咁震撼，如果親眼睇到就不得了la......

飛來寺其實只是一條街，當你行係e條街，就會好多人問你去唔去雨崩.......

係wor .....差d忘記要去雨崩tim

由於我尋晚高反，都未決定是否上去雨崩.....

不過師傅佛口婆心地不停叫我地唔好上去，好辛苦 ga.....

上次車咗兩個客上去，落番嚟行都行唔到，雙腿痛死了...

加上門票+騎馬+食住=成千元......真係唔值ga......

師傅話你地又唔舒服要好好考慮好呀!

當晚我們還是未決定，等睇完日照金山先算啦!

DAY 4 (晴) 3 APR 12
朝早6 點鐘起床，等睇日照金山，等到差不多七點就開始太陽出來了.........

天氣好好呀 ! 一舊雲都冇呀 ! 個天超清..........

當然我就超開心超興奮啦 !

睇到晒成個日照金山既過程 la...............

既然天氣咁好，決定上雨崩la...........

同師傅講我地要去西當溫泉進發.............

不過師傅同我地講佢問過冇晒馬上山，因為所有去雨崩既人都已經出發了

我地咁遲先過去，行上山我地一定頂唔順，叫我地再一次認真考慮wor

車子媛媛地向西當出發.....

我個心十五十六，萬一再高反點算好呢?

我仲要照顧我既朋友，佢十吓十吓咩都唔知就跟我來旅行，萬一有事之後既10幾天佢點算呢?

最後決定放棄去雨崩，也成為今次旅程既一個遺憾了...........

不過也是另一個開心既旅程開始.............

雨崩.......i will be back

回程途中，經過既梅里13峰觀景台................

正式同佢say goodbye la...............

今次師傅係最高既丫口比我地落車......



嘩 ! 雖然有個大大既太陽照住，不過真係好鬼凍又大風呀!

即刻走跳番上車，叫師傅再走去低d既地方再玩雪喔 ! 哈哈 !

回到香格里拉已經5 點了.................

又回到納帕海旁..........

遼闊的香格里拉平原+藍色的天空........真的很美喔 !

那天晚上師傅仲請我地去佢屋企食飯TIM.....

又請我地飲酥油茶........真係怕怕，聞到都想嘔呀!

但這是藏民好客之禮........

係唔好意思情況之下都要飲啦!

師傳的愛人煮了五餸一湯白飯任裝比我地食......

又愉快地渡過一個晚上................