雲南之旅 @ 小小遊後記

終於寫完15天雲南之旅既遊記

雲南......我會再來的，羅平油菜花 or  東川紅土地我都好想去 ...

其實為咗今次既旅行，真係睇咗好多資料.........

旅行書都買多咗幾本(嘻嘻! 最終一本都冇攞去，忘記放入背囊呀!)


襯我仲有d記憶，寫完遊記之餘，再寫埋e篇小小遊後心得先! 

4 月香格里拉天氣都凍ga, 日間10幾20度，陽光普照曬到C，

我穿著短袖衫要+件freece再+件防水外套， 

感覺才剛剛好，夜晚就完全頂唔順，好鬼凍ga....

所以房間一定要有暖毯呀 ! 夜晚真係凍到你冇法瞓到

香格里拉的天氣真係好干燥ga，

天氣好既時候仲有超猛既太陽.......

所以我覺得有幾樣嘢係必定要帶ga...... 必帶一: 防曬霜 一定要搽防曬

搽漏咗既皮膚會立即變黑，

搽少一陣間都會感覺到曬燶，好靈ga ! 必帶二: 潤唇膏
干燥到，我第一天去到個咀唇就脫皮，

朋友仲慘，佢個咀唇嚴重脫水到起晒粒粒tim 必帶三: 太陽眼鏡
由於太陽光線強勁，曬到四周圍既嘢都反晒光

會攪到隻眼睛好唔舒服，

所以我覺得帽帶唔帶都得，但太陽眼鏡係必要帶呀 !  必帶四: 保濕潤膚霜 or 植物潤膚油 因為我既皮膚超干燥，我自己就慣咗帶植物潤膚油，

保濕霜有時係香港搽好得，返到大陸就起唔到效用，

植物潤膚油搽身搽面都得，一支攪掂晒超好用! 昆明巫家壩機場真係好亂ga，

機場冇咩秩序可言，指示又唔多

內陸轉機都係預多一點時間出機場好d 呀 !  (而家想起都好驚險呀!) ，

昆明機場係冇咩嘢食 ga，唔好想去到機場先食嘢。

記得唔好掉咗張寄行李貼紙，

因為係大陸出機場要check ga

雖然已經有兩次係高原地方玩既經驗!

不過今次同上次一樣都中招 !

又要同高反玩遊戲呀!

經自我檢討後，今次中招原因同上次一樣，衰心急呀!

心急急行路，谷吓條氣就出事........

所以去到香格里拉3400百米既高地，真係唔可以心急ga....

要用超超超龜速既慢去行動.....

仲有一樣嘢要記住，係唔好講咁多嘢住，

要留意及保持呼吸既速度節奏要慢，

又講又笑好興奮，以為好小事.......哈哈! 這樣最易中招la

要適應高原氣候起碼至少要一天ga，

唔好以為去到冇事之後就跳跳紮....

哈哈! 你睇吓會唔會中招丫! 瞓醒覺食埋個早餐先好講啦 !

之後既日子都一定要保持慢動作呀 !

又講吓買唔買氧氣瓶防身，我自己就覺得冇咩需要買la....

只要好好地留意自己既呼吸節奏，深深地吸又全呼出，

係冇需要買的

我上次未買咗來用，聞咗都冇用ga.....

一路掛住聞氧氣，越吸越快就仲唔舒服丫

根本冇將d二氧化炭排晒出嚟又吸，

氧未更加唔夠lor

如果真係出現高反就要立即停下來休息，

因為係冇得死撐ga

(飲多d 水同埋食生果在高反期間好有幫助，會舒服好多ga)


雲南好多嘢食都係用辣的煮法，好鬼易熱氣ga，

最好帶定清熱酷， 念慈奄就果度d藥房都有得買...

雲南食肉好貴ga，要先問好價錢先決定食唔食呀 ! 最好買定話梅，檸檬王、牛肉干、魷魚干之類既零食，好有用ga !

因為好多時坐長程車，胸口真係幾悶ga  

反胃食吓佢都幾好!

仲有好多人都話要帶定朱古力之類既嘢食，

其實唔需要帶咁多，去到買都得啦 !

除了去普達措就要帶定水&小小食品之外，

其他既景區就真係唔多要 la

如果帶朱古力.......哈哈 ! 小心溶晒呀 !

 日頭好猛ga.................太陽! 如果去瀘沽湖想住係里格半島上，

最好就係預早book好房間了，真係好full ga......

 要食晚飯就早d去食la，8點後既選擇就少好多了........

仲要係一定要帶電筒呀 !

好黑ga......無咩街燈.......不過睇星星就超正呀 ! 去玉龍雪山要早點出發，因為都要成日時間ga.......

太遲走坐車回麗江有點難搵車呀!

唔好一去到麗江就上玉龍呀 !　4506米 唔易對付ga......

好似我咁丫，

已經玩埋香格里拉先返轉頭上玉龍既感覺依然好吃力呀 !

坐完大索道上到4506米時，最好唔好立即出去觀景台

先係小食店坐低抖吓先，最好食吓嘢，慢慢呼吸一陣，

唔好講太多嘢住，自由行ma，時間唔趕ge...........

等身體適應一陣，帶埋幅太陽眼鏡先好慢慢行出去，

先係4506米樹慢慢行一陣先，

然後先好考慮上更高處，

一谷上去就好易中招ga，要上都要慢慢呀!

最好行一陣抖一陣，絕對不可以心急上去.......

我眼見好多人就係好開心地咁叫，又爬出爬入影相......

仲不停咁谷上去行，比你地快又點丫

咁興奮又點丫

風景係靚但真係要保持鎮定呀 !

之後就見佢地個個都要聞氧氣.......

面都黑晒......中晒招lor.....

所以要忘記"快"同"心急"，是最好對付高反既良藥......