雲南遊記 @ 香格里拉賽馬節

2013年6月12日 (晴) 端午節

終於嚟到重遊香格里拉嘅主菜，香格里拉賽馬節喇！

每年端午節前後三天，香格里拉都會舉辦賽馬活動，迪慶州和週邊藏區都會有好多人嚟參加，

各藏區參賽者，都會帶埋自己養嘅馬匹來顯示實力，曬吓威風......

贏咗就巴閉喇! 成個迪慶州都識你了，等我都去識吓你地先......

哈哈 ! 當日我地晨咁早食完早餐就出發，直奔現場(依拉草原)霸定個頭位，睇比賽先.....

OH! 晨咁早去到已經好多人了，外面仲有 d 塞車 tim，去到已經要間歇性放車入去，秩序管理得唔錯.....

哈哈! 咁大型嘅活動，又點少得出動武警嚟幫手，有班武警兵哥在場，放心晒! 

未一陣間亂起上嚟都有佢地去鎮壓住，不過目測E班武警真係好鬼嫩口，睇落都係18,9歲咁上下，

如果係香港E個年齡既細路可能仲要媽媽餵飯食呀! 

犀利呀! 九點幾已經咁多人咁熱鬧， 花市咁多人，但一d 都唔迫呀! very  good !




當日係依拉草原嘅天氣真係唔錯，藍天白雲............又在草原上.......超舒服呀 !

雖然草原咁大，仲可以唔收錢任你行，但話到尾都成3200百米高，行兩步就好鬼易攰..... 

所以只可以慢慢行! 要保持體力.........我唔想再同高山症玩喇! 

工作人員開始擺放 哈達係賽道上，都係乘乖地返去個頭位度，等睇比賽先.......

第一次影跑馬仔，真係有d 唔知從何入手，成日都唔夠隻馬快

哈哈! 所以影咗好多馬 patpat 返嚟吖

俗語有云: 男人要威風講食力，就要靠腰力............

哈哈! 又真係喎，咁樣執 d 哈達，仲要執 2 次，真係少 d腰力都上唔番嚟..........

上番嚟挾唔住隻馬又會衝出賽道..........成場人噓爆你....都真係好瘀呀 !

賽場內盡全力拚實力，賽場外當然也要啦 ! 輕鬆 dd ......晒吓馬先....... 

哥哥仔睇嚟好開心喎

唔怪得知啦 ! 隻馬養得咁靚，惹來不少艷羨目光 ....你睇吓 d 馬仔.......

這邊廂在晒馬，那邊廂又在操馬.........跑呀! 跑呀!

隻馬係咁近距離，呯呯嘭嘭咁跑過嚟真係幾好 feel......

e 位大哥轉個頭就出賽喇 ! 跑快 d 跑快 d ..............

男人係度鬥緊馬，女人冇咩做.......跳番 part 舞先啦!

睇服飾，應該係大理(白族)嚟嘅阿豬媽......

同場加影射箭比賽...........

射箭工具咁簡單，射成咁 .....係未算唔錯呢??

睇咗一陣，好多人移咗係我前面，睇唔到tim .......唯有四圍行吓啦!

好奇怪嘅帳篷，好似話係消毒站，咦 !!! 係未煲醋消毒呢????   

睇吓 d 帳篷都好有特色.......鬼午馬綠......

 原本行過嚟想食 d 嘢再去睇過，不過朋友仔話肚餓要走...............

我估朋友仔覺得悶囉 ! 哈哈 !收到 !

其實我有好多地方都未行晒，因為現場實在太大了，唯有有機會再嚟睇過啦 !

好了! 同藍天白雲下既賽馬節，說聲 bye bye啦 !