某日黃昏

自從公司隻影相腳走咗之後，我都好耐冇出動過去影相....

早排約咗公司兩位美少女去中環影相，攞起我部 honey ，感覺真係好陌生了......

影相既時候，完全冇晒感覺又提唔起興趣，最慘連就位都唔識 tim，點算呀 ! 

以前都唔係咁ga ，莫非我對影相既熱情已死..........??? 

算啦 ! 和兩位美少女講 bye bye後，我又一個人走咗去坐船

好在我對坐船既熱情還在........

我最最最喜歡係船上睇日落， 

你看的和我看的也在同一水平線上，感覺生活是多麼平等，多麼自在

雖然中環過去尖沙咀的船程只得10分鐘

就因為這10分鐘

我學懂 "珍惜" 這一刻，因為當我坐回去的時候，所看的已經不同了

雖然很喜歡坐天星小輪，但我一點也不喜歡坐大郵輪

感覺太拘束，太造作了

睇我影既相，唔知你會唔會感受到我當時既心境呢??

感覺唔感覺到 懶洋洋呀 ？？

有沒有 hea 吓 hea 吓 既感覺呢???

哈哈 ! 懶豬當時既心情，其實好簡單

用 8 個字 已經可以形容到喇 ! 

無無聊聊，渾渾噩噩