大嶼山分流 @ 2013

27/10/2013 (晴)

10月已經接近尾聲了，天氣涼涼地，keep 住行山都唔錯

成日聽人講話行分流，終於到我行分流了

哈哈 ! 慣例 瞓飽先出發，1 點鐘 石壁水塘 開始 今日 三人行

開頭都係跟住大大條引水道一齊行

行吓行吓真係冇咩難度，冇咩上落，所以好多鬼婆 & 鬼佬係度跑步

起初景觀麻麻地，又冇咩好睇.，所以有 d d 悶 tim

好在沿途有 d 閘水區，有 d 生氣，冇咁悶囉 !

e 條 可唔可以叫瀑布仔呢??

水清到呢......忍唔住影張先，有 d 衝動想打 d 水番屋企，唔知用山水沖茶好唔好味呢 ??



行咗一個鐘多 d ，開始進入靚靚無極大海景路段喇 !



落海邊

原來行分流真係冇咩難度，好似 e d 上落樓梯既路段真係唔多

大多數都係平坦既路，真係好啱我



(heehee ...懶豬唔夠時間，所以冇去嶼南界碑，如果唔係  唔出喇 ! )

準備好睇靚靚海岸線未呀 ?

分流大浪灣

朋友話海面靚到好似豆腐花咁，哈哈 ! 佢係未餓得滯呢??

繼續行，繼續行

15分鐘 後就落到分流東灣

woh !  目測水都算ok ，垃圾唔算多 (哈哈 ! 吹晒上岸)，D 沙仲要係好幼 tim!

向前行，向前行，成腳沙，成腳沙



分流炮台，我嚟 la

有 d 隱蔽既指示牌，掛住唱歌就會好易 miss 咗



回望剛才行過既沙灘

嚟張全景先，睇唔睇到呀 ?? 石筍 ?? 唔係......!!!

 留心d睇啦! 係海水，珠江黃泥水 & 東部海水交界呀 !

嘻嘻 ! 又真係好難睇得出

上到山頂就係分流炮台

花崗岩

歡迎參觀，隨便睇，咩都冇既遺址

雖然咩都冇，但千萬不要多手 "到此一遊" 呀 !

遺址有個無敵大海景

哈哈 ! 唔使 5 分鐘，參觀完畢，可以散水



石圓環

我冇落去，唔知咩嘢嚟呢??  因為有 d 趕趕地，下次先去啦 !

一睇咁既環境， 就知太陽伯伯又趕收工啦 !

今日行得慢咗 d d ，四 點鐘先嚟到 e 樹，要行快 d 先得喇 !

落到分流西灣，好正呀! 水清清，沙幼幼

左轉 煎魚灣

黃昏時候，漫步沙灘，感覺好浪漫呀 !

不過懶豬欠咗個情人，成個 feel 係悶曬 lor !

進入二澳路，輕輕鬆鬆行程亦都行咗一半了

4:45pm 嚟到煎魚灣，其實點解叫煎魚灣呢??

咁靚既日落，真係正到暈呀 !

見到 e 個牌，近喇! 近喇 ! 好快到終點 la

又見到另外一個牌，哈哈 ! 通知你開始進入私人地帶

今時今日既二澳，已經開始復耕 la.....

種米 ?? 幾時有得食吖 ?? 預埋我好喎

 

眼前又出現一個好靚既海灣......

慢慢向前行，見到太陽伯伯已經差不多收工 la

忍唔住都要講多次，係 e 度睇日落，真係好好 feel ，好浪漫 !

睇到懶豬醉醉地 tim

 過咗二澳 ，轉過彎就到大澳 la.....

大澳我嚟 la，唔知仲有冇雞蛋仔買呢??

嘩 ! 好狗唔欄路，螳螂灑醉拳



  阿螳螂哥: 係未high 大咗，小心大風趺落水呀!

秋天 的 晚霞

18:15pm 嚟到目的地大澳，都算係達標完成啦!

其實應該可以早 dd 到，咁就唔使去到大澳買唔到阿伯雞蛋仔啦 !

http://www.oasistrek.com/fan_lau.php



唯有轉戰大中華，食餐勁去彌補番我既心靈同胃部空虛啦 !