香格里拉遊記 @ 石卡雪山

2013年6月14日 (晴)

眨下眼   雲南之旅已經係尾聲，心情當然有點不捨得啦 !

所以晨咁早襯朋友還未起身，自己一個人就轆咗出古城再懷緬一番........

早上的獨宗古城，特別有鄉下味，還能找到一點點住家的感覺.......一句講晒 " i like it" 

早上7 點鐘的四方街，冇咩人，涼涼地，感覺好舒服 !

指定動作，影吓龜山公園同全世界最大既轉經筒先.......

哈哈!早有早好，人影都冇隻，鍾意點影就點影............

人影見唔到，招魂幡就見到有一支 ??  係真唔係真 ga.......???? 

咁人面圖案有咩意思呢??  似 驅邪定治鬼喎?? 定係招生意用呢??  

  好邪呀! 其實可能係裝飾啫........哈哈 ! 是我太敏感吧 

其實古城一D 都唔大，不過古城都有幾多暗斜行，所以都幾攰.......

哈! 鄉下妹，唔係呱，咩你咁弱雞 ga，行 2 步就攰............

是真的， 3200米既海拔真係唔易對付 ga........你明啦!  

講真吖，感覺上係香格里拉既老外會多過麗江，唔知係未同"消失的地平線"有關呢??

所以獨宗古城裡的格調會偏向老外口味，同大研古城娘丙 feel 有 d 唔同..........

可能係冇咁商業化同少人d 既 關係啦 !

廣東會所...........個名好親切呀! 有冇人識講廣東話先，下次有機先嚟搵你傾吓計吖  

行完古城，返去接埋 d friend .........

出發挑戰 4500m 既石卡雪山喇 ! 坐 cable car 上去喇 !  

望到山頂冇晒雪，有 d d 失望 tim..............

纜車分兩段，第一段先去海拔3800m 既亞拉青牧場先.......

真係嚟得唔係時候，杜鵑花兒都謝了，好在都有個青蔥既草坪

係海拔3800m兜咗個圈，真係好攰......

適應吓又抖咗一陣，再坐第二段纜車登頂上4500 m 喇 ! 

我 d bad feeling 又嚟唰 ! 好眼瞓.......(感覺唔多夠氧喇 )

好在嚟咗香格里拉幾日，還撐到........朋友們，你地慢慢行呀! 

藍天白雲伴著石卡雪山真係好正，同個天真係好接近 

感覺比玉龍雪山要靚好多，$200蚊人仔入場，第一次覺得抵呀!

天氣真係好好，我估我應該望到晒 8 大雪山，不過唔知邊座打邊座囉 !

(聞說石卡是唯一一個地方可以睇到晒8 大雪山既地方，包括梅里雪山、玉龍雪山、

碧羅雪山、白馬雪山、哈巴雪山及亞丁三神山)

向下望望先，真係腳仔軟呀!

嚟藍月谷景區玩既人唔多，感覺真係好舒服好自由 ! 真係值得一去睇睇   

不過我個人就唔多舒服，行咗 一個圈就要落山，真係頂唔緊呀 ! 

今個行程最後既景點都玩完，又係時間返去了，唔知咩時間再嚟過渡假呢??

希望好快好快啦 ! 因為我真係好鍾意大理 & 香格里拉 !