無嚟頭澳門行

13/10/13 (晴)

今日做咗後補團友，過咗澳門玩咗 一日，當然又係食為先啦! 

朋友介紹去咗舊蒲京日麗嘆茶，老實講嘢食就真係一般般，

不過勝在夠寬敞，坐得幾舒服啦 !

 放張相上嚟記念吓啦! 應該唔會再翻兜喇!

問咗個應該係90後既waiter dee dee 有咩好介紹，佢重點推介墨西哥叉燒餐包，話好快買晒，

仲話手快有手慢冇，不過睇買相就知道食後感啦! 只可以講澳門競爭少，香港應該做唔住喇!

最攪笑係佢推介我地食棉花雞，口花花既我，緊係問吓棉花雞咁普通有咩特點先，哈哈！

出奇既答案係棉花雞用棉花做，問佢咩棉花，佢仲話樹上摘下來的.......笑死我喇 !

雖然成日去澳門，但真係好少去澳門既旅遊景點，多數都係去搵嘢食，

今次有 d 唔同，嘆完茶之後，一行九人拉大隊去探 " 開開心心".......

哈哈! 點知巴士上遇到位熱心既阿姨，不停叫我地上媽祖廟行一轉，

話唔知攪咗個媽祖文化節，有好多嘢睇wor........

是但啦! 見有太把時間就走咗上去，順便應吓節啦!

上到頂，風景真係唔錯，成個氹仔睇晒......very good 吖 !

可唔可以叫海天一色呢?? 懞查查

媽祖娘娘...你好 !

間廟都好大喎

捐瓦片 ?? 係未真係放上去架，都起好晒喇 ??

嘩 ! 好大堆頭 

好多煙，煙霧瀰漫

唔知點解澳門會咁鬼熱，又煙又熱都係撇喇

轉戰山腳既石排灣郊野公園

澳門真強勢，國寶都冇面比，甩色未甩色囉 ! 懶理

最緊要有賭未為輸

熊貓館，我嚟喇 ! 位位 10皮唔該入場

我係熊貓"開開"

我係熊貓 "心心"

兩隻國寶全程掛住曬住太陽瞓晏覺，未"旭"過......

算罷啦 ! 出去睇e 隻仲得意啦 !

我爬呀 ! 爬呀!爬呀 !

其實感覺有 d 似動植物公園，冇咩嘢睇......

最慘頭頂曬到出晒煙

 

都係返酒店算罷啦 !

woh ! 威尼斯 d 房真係好正喇 ! 成2000幾蚊一晚都冇free wifi ，仲要成5點鐘先有房攞

有冇攪錯呀 ! 蝕晒水呀 ! 原來朋友話佢上次佢都係咁遲先有房攞，真係 no no no good 喇 !  

下面個food court 仲搶錢，又貴又難食.....

e 個咁既氹仔大行來豬仔包，多謝 $ 48 一個

貴到傻咗 ! 食落仲驚嚇，要改名叫"紙皮豬扒包"

澳門 d 嘢真係貴咗好多好多，已經冇平嘢食喇!

要搵食真係要行遠 d 先得喇!