紅色故鄉 @ 江西瑞金

18/11/2013 (晴)

和朋友 say goodbye 後，獨自一人闖贛州

"贛" 點讀呢??  攪咗好耐先知 普通話讀 ganzhou，以前真係聽都未聽過

不過國內朋友介紹之下，開始留意這個話近唔近，話遠唔遠既地方

路程真係有 d 轉接，問咗包車師傅，可以先係南雄坐車去大余

哈哈 ! 講開大余，好想笑，你知啦 ! 南雄韶關都入於廣東省

一般都懂廣東話，懶豬緊係用番純正廣東話溝通啦 !

懶豬: 阿姨，係e度坐去大余要幾耐呀 ??

阿姨: 大雨，而家冇落雨，唔知幾時有雨喎

懶豬: 我問去大余呀 ??

阿姨: 真係冇落大雨，唔知呀 !!!

懶豬: (轉channel) 請問你去大余要坐幾耐先到??

隔離買飛既阿姨: 笑到收唔到聲，人地問你大余呀! 你就話大雨.......

南雄小遊記

17/11/2013 (晴)

上午行完丹霞，急急腳又要趕下場....哈哈! 

因為上網 check 到韶關去南雄，只不過是一個半鐘頭車程左右，剛好又係睇銀杏既季節，

所以決定過去走一轉 ，look 一 look。

1:00pm 離開丹霞山坐車番韶關東汽車站轉大巴去南雄，

去南雄大巴有行高速同唔行高速兩種，車票只係即日買，冇預售的，

我地坐咗行高速既大巴，車程約一個鐘頭多dd，車費 $40。

轉嚟轉去，去到南雄已經4點鐘了，急急腳係汽車站包車($120)去帽子峰林場，

其實e個司機有d唔係幾厚道，車到一有銀杏樹既地方就想放低我地，

好在鄉下妹有做功課，要記得見到 e 條橋先好落車。

丹霞山遊記 @ 元陽景區

17/11/2013 (晴)

Good morning ! 晨早起床清新開朗......

丹霞山遊記 @ 長老峰

我和朋友仔一行三人，為咗明年既西班牙行山之旅，所以嚟個 pre-trip 旅遊 ，

近近地去咗丹霞山 試試大家既實力同忍耐力，以防到時朋友都冇得做

結果......當然係超愉快啦!

 ok ! 出發.......

16/11/2013 (陰)

早上從深圳北站坐8:30am高鐵去韶關，車程只係一個鐘頭多dd，真係話咁快就到......哈哈 !

(如果係羅湖坐地鐵過去深圳北站，大概要40分鐘時間，要預鬆少少喔)

韶關有兩個火車站，高鐵果個係韶關站，而我地坐去丹霞山既大巴站就係韶關東站

e 個就係韶關站喇 ! 出站坐22號 bus 直達東站，照方便呀! 

中國東北之旅 @ 北極村

不經不覺己經從北極村回來已經有11個月了，自己都覺自己有點兒懶惰，還記得去年我都係e個時候去 PLAN 我既中國東北遊。好啦! 等我尋找那些被遺忘了的旅行記憶先.....

當時係網上睇到有個叫漠河既地方，有條北極村，聞說係夏至的一晚會睇到北極光 wor，炒作一輪之後，咁就成咗名啦！哈哈 ! 鄉下妹當然想去會一會e個地方，睇吓有咩好睇先..........

2012年12月22日 (晴)

早上懶豬係北紅村經歷完凍到痺完既經驗後，真係有 d 怕怕外出，返嚟香港後，發覺山長水遠來到離開香港3528km 既北極村，原來我冇咩點影相......

不過難船都有三分釘，好在重點打咭既地方都有影相，分享小小比大家睇吓啦 !

未到北極村之前，叫師傅兜咗我去look look亞洲唯一的 聖誕村......

搵搵地笨既景點，除非你好想戳番個聖誕郵戳之外，去唔去你自己選擇了

一添然 ~ 馬年(2014年)流年風水講座

唔經唔覺懶豬學咗玄學已經有 7 年，功力去到咩層次，就唔好講喇 !

正所謂 : 一山自有一山高，強中自有強中首

最初懶豬係先學習塔羅牌，覺得都幾好玩，又可令自己了解自己更多，改善了不少我的缺點

慢慢開始想探索更多關於這方面的知識，所以........

風水、8 字命理、面相、擇日、姓名學、拜神、直覺塔羅、易經塔羅、生命數字

樣樣都走去學吓，學吓學吓又真係幾有趣

(所以懶豬都扼到飯食架 ! )

大嶼山分流 @ 2013

27/10/2013 (晴)

10月已經接近尾聲了，天氣涼涼地，keep 住行山都唔錯

成日聽人講話行分流，終於到我行分流了

哈哈 ! 慣例 瞓飽先出發，1 點鐘 石壁水塘 開始 今日 三人行

無嚟頭遊長洲

20/10/13 (晴)

忽然間好想去長洲行番轉、食番轉，冇人陪又好似食唔得多嘢........夜mama點算好呢? 

哈哈！想起我個死黨變泰怡，立即whatsapp佢去不去?

死黨既好處就係唔使講廢話，一call 即成，仲要心意互通 tim，星期天緊係瞓到自然醒先出發啦！

入到長洲差不多已經2點， 早午餐都未食，好肚餓呀！

立即衝去阿倫食嘢，裝修後既懷舊感覺完冇晒，好在食物水準還在。。。

無嚟頭澳門行

13/10/13 (晴)

今日做咗後補團友，過咗澳門玩咗 一日，當然又係食為先啦! 

朋友介紹去咗舊蒲京日麗嘆茶，老實講嘢食就真係一般般，

不過勝在夠寬敞，坐得幾舒服啦 !

 放張相上嚟記念吓啦! 應該唔會再翻兜喇!

香格里拉遊記 @ 石卡雪山

2013年6月14日 (晴)

眨下眼   雲南之旅已經係尾聲，心情當然有點不捨得啦 !

所以晨咁早襯朋友還未起身，自己一個人就轆咗出古城再懷緬一番........

早上的獨宗古城，特別有鄉下味，還能找到一點點住家的感覺.......一句講晒 " i like it" 

Running 豬

打開衣櫃，發現有好多衫都著唔番，點解會比自己咁肥架?? 度上身半邊身都著唔落，咩! 原來我有瘦過架，唉! 後悔都太遲了，都怪自己太放縱食嘢喇！攪到而家肥腫難分，想減都唔係咁容易，真係年紀大機器壞，新陳代謝慢慢慢，成日都話想減肥，但次次都失敗收場，有講冇行動， 不過近排知道一位食嘢好鬼健康既朋友有膽固醇過高之後，忽然"叮" 醒咗我，要好好注意健康，所以而家好努力戒懶，晚晚去做 running豬，希望收脂平衡一吓，唔好再做 fat fat 豬 啦!   

貝澳至梅窩 @ 2013

14/10/13 (毛毛雨)

今日唔知行邊樹呢?? 聽細佬話，乖乖地坐車去貝澳

opss.....原來係由貝澳行到梅窩

13:25 出發.....

有幾差??

職員: 阿姨你既 appointment 係下午3點鐘，而家先12點鐘冇位比你睇醫生.....

阿姨:  (有點鄉音地說) 點解呀?? 你咁得閒，幫我睇埋都得啦!

職員: 而家12點係午膳時間，上午既客人剛剛走晒，我地準備關門......

阿姨: 你地好快 d 幫我睇，我唔知咩時間，我嚟到就要幫我睇......

職員: 不如跟番你個預約時間再嚟啦 !

阿姨: (立即發難) 香港既醫療真係差，收費又貴，我係北京睇醫生，隨傳隨到，香港係最衰，北京比你地好好多.............

職員:.............................( 北京咁好，你返北京睇啦，嚟香港 受罪咩，咁難為......)

阿姨: 我唔理，你要立即睇我，唔睇我，我要投訴你地 (問你地知唔知驚)

職員: 歡迎........ ，投訴科就關門，要投訴就快d 喇 ! ( 吹到阿姨啤一聲，面紅紅走咗去)



香港既醫療係未真係差成咁呢 ??  係未大聲話投訴就可以唔講理，唔守秩序.....我真係唔知道，不過起碼都有個難鬼機制去幫你醫病，基本既醫療服務都有，一個收費就包晒了...

係北京睇醫生，緊係好啦 ! 樣樣服務都要收費，有錢自然有更好服務啦！這是理所當然的，咁好既生意，點會唔睇你吖，簡直當你係財神啦，你睇吓你冇錢，門口比唔比你入吖! 當然唔排除有好啦 ! 

某日黃昏

自從公司隻影相腳走咗之後，我都好耐冇出動過去影相....

早排約咗公司兩位美少女去中環影相，攞起我部 honey ，感覺真係好陌生了......

影相既時候，完全冇晒感覺又提唔起興趣，最慘連就位都唔識 tim，點算呀 ! 

以前都唔係咁ga ，莫非我對影相既熱情已死..........??? 

算啦 ! 和兩位美少女講 bye bye後，我又一個人走咗去坐船

好在我對坐船既熱情還在........

大灘郊遊徑 @ 2013

29/9/2013 (陰)

今日天氣麻麻地，陰陰天仲想下雨，當然會令我e 隻懶豬想放棄啦!

不過為咗明年五月既行山之旅，都要迫自己去鍛鍊一吓先得

原本約咗我隻御用行山腳 十一點半等， 

哈哈! 磨磨轉都唔想出發之下，今次到我遲到了

終於攪到成點鐘先到，好在我細佬都係例遲慣

左轉車右轉車，搭得車嚟到海下已經 2 點喇

雲南遊記 @ 香格里拉閒影

2013年6月13日 (晴)

今日行程先放低兩個朋友係普達措國家公園玩 ，我就可以四圍 hea 了

哈哈 ! 帶埋  我個  honey周圍影吓相先

六月份嚟香格里拉，又點少得睇杜鵑花

不過我真係嚟遲咗少少，好多都凋謝了.......

大杜鵑就睇唔到，不過就都仲有好多小杜鵑

如果係時候，通山都係開滿花，真係靚爆呀 !

Happy moment

早幾日放工同公司兩位美少女走咗去銅鑼灣食嘢！

因為大家都想食韓國嘢，所以一早已經target 咗e間平價 hungry korean 韓食店。

oh！去到門口都心知不妙，不過一場嚟到都試吓啦！

三個人叫咗幾款嘢食，味道真係一般般了！睇吓個買相就知喇! 

石頭飯 ~ 好細碗，我牙縫太大唔多夠喉呀 !

又影又食澳門行

2013年9月21日 ( 晴、1號風球)

好朋友話有 2 張免費澳門來回頭等船飛，問我去唔去影煙花

嘩 ! 頭等 .....可以慳番成5舊水船錢

 鄉下妹，緊係冇蝕底 一於2隻底死跟啦 ! 哈哈!

不過影煙花我未試過， 相機都想唔拎，仲要抬腳架......

個心15、16 帶唔帶好之際，想想吓都係算啦 ! 大會係要尊重的

抬埋支腳架出發啦 !

好在超強颱風"天兔" 冇帶來大雨，如果唔係白行又白抬，仲要掃晒我 d 雅慶tim

唔講咁多，睇吓鄉下妹影成點先啦 !

雲南遊記 @ 香格里拉賽馬節

2013年6月12日 (晴) 端午節

終於嚟到重遊香格里拉嘅主菜，香格里拉賽馬節喇！

每年端午節前後三天，香格里拉都會舉辦賽馬活動，迪慶州和週邊藏區都會有好多人嚟參加，

各藏區參賽者，都會帶埋自己養嘅馬匹來顯示實力，曬吓威風......

贏咗就巴閉喇! 成個迪慶州都識你了，等我都去識吓你地先......

哈哈 ! 當日我地晨咁早食完早餐就出發，直奔現場(依拉草原)霸定個頭位，睇比賽先.....

OH! 晨咁早去到已經好多人了，外面仲有 d 塞車 tim，去到已經要間歇性放車入去，秩序管理得唔錯.....

哈哈! 咁大型嘅活動，又點少得出動武警嚟幫手，有班武警兵哥在場，放心晒! 

未一陣間亂起上嚟都有佢地去鎮壓住，不過目測E班武警真係好鬼嫩口，睇落都係18,9歲咁上下，

如果係香港E個年齡既細路可能仲要媽媽餵飯食呀! 

一年容易又中秋

嘩 ! 今年個月光真係好圓好大個，睇見都好鬼開心

 

搬 blog 事件薄 2

哈哈 ! 忽然間想起，近排係 d 鄰居度睇到一樣嘢 !

唔知大家係未慣咗 facebook 模式既版面呢 ?

所以好多鄰居都只 會放 google+ 係佢地既網誌度去比我地d 網友追蹤

不過鄉下妹好老土，只想情有獨鍾

所以放了 下面 e 張圖既 function 去比大家嚟 " 關注" 我

先嗚謝 ! 這6 位新鄰居，舊街坊過咗嚟關注我......呵呵!  

搬 blog 事件簿

自從yahoo blog 發出逼遷通知後，各路blog 友都紛紛執拾細軟舉家搬屋。當然我都唔例外啦 ! 上星期已經第一時間搵咗新屋，過去一星期睇住平時關注的blog 友寫咗好多有用既資訊教人點將d 舊blog 搬去新blog度，真係唔該晒大家。不過對於我這個電腦白痴，緊係睇到我一頭煙啦 ! 最後自己手動搬屋可能係唯一選擇了。唉! 其實搬咗過嚟新屋已經一個星期有多，都係唔多習慣，仲係迷緊當中。眼見各位 yahoo blog 友在網上陸續發出搬屋啟示，看見各位blog友情誼，感覺有點兒無奈 tim。

另外想同大家 share 吓，今朝係網上 search到有個叫" 點煮網" 既平台，有個免費代搬家暫存服務，好似幾簡單，大家可以過去 look look http://www.dimcook.com/blogrescue ，不過我都係停一停，睇一睇先，因為 e 個平台遲 d 話會推出一個新平台，比我地班難民重建新社區 wor......，到時啱用唔通又搬過咩.......唔想玩到自己反晒肚呀!

仲有呀 ? 有冇朋友仔識得加 d 公仔 icon入去blog 度呀 ?
吓吓用最蠢既方法，真係好麻煩呀 !!!

綠豆餅

近排唔使返學，好鬼得閒，放咗工除咗食就係瞓，生活極度無聊之下，最好緊係搵吓屋企有咩零食，去填補吓心靈既空虛啦！ 可惜我唔係好好吃零食，媽媽緊係唔會買定零食擺係屋企等發霉啦！ 雖然冇零食，餅乾都應該有呱！！！ 搵吓媽媽個私人食物櫃先，哈哈！ 搵到喇！迷厘綠豆餅，唔知媽媽係邊樹入貨呢？ 點解冇食物標籤？是但啦！唔理咁多食咗先算，應該死唔去，俗語有云：博一博唔使兩頭撲，死跟！ 嘻嘻！點知食咗一口就上癮了，當然也會要讚吓媽媽今次入到咁好食嘅貨啦！媽媽非常開心，日日係"家園"補貨(好似話係元朗出產，講咗一輪都唔知係咩舖頭?)，攪到貨源充足，我就日日食到冇停口，剛剛又食咗三個了。口痕起上嚟都真係冇辦法，而家真係肥到冇朋友呀！現眼報喇！做宅嬸都係罪有應得！哈哈！

2013 雲南 小小後遊記

今次已經係第3次去大理麗江香格里拉了，基本上已經去到熟熟地

今次去咗 8日，仲帶咗3個朋友去 tim，所以自己都要plan得個行程要妥妥當當，

希望大家都可以玩得舒舒服服開開心心啦 ! 做咗咁多資料搜集，同大家分享吓小小資料和心得啦

鄉下妹既行程唔可以叫窮遊，最多叫經濟團啦! 哈哈 ! 唔講咁多，寫 d 資料出嚟先啦 !

烏蛟騰至鹿頸 @ 2013

2013年9月8日 (晴)

農曆七月剛過，天氣就立即放晴

唔知同鬼門關關上，有冇關係呢？

都係時候要出去曬一曬，洗洗d 陰氣先

哈哈！唔好笑我迷信吖，鄉下妹係差唔多

好！烏蛟騰 13:10 出發 

雲南遊記 @ 重遊香格里拉

2013年6月16日 (睛)

嘻嘻哈哈!出發去香格里拉喇!

舊年先嚟過，今年又再嚟玩，目的只有一個 "香格里拉賽馬節"

今次從麗江出發，先經過上虎跳峽.......

原本打算去返舊年香格里拉果邊既觀景台....

不過...............昨天山上的大石塌下來了.......oh!  唯有換邊睇啦 !

迷路

平時去旅行之前都慣咗去yahoo blog 度搵吓料，無聊既時候仲可以上去8吓人地寫咩，方便易睇又同聲同氣，不過而家搬咗過嚟，完全迷路，冇晒方向.......究竟點用 ?? 我咁死蠢既人，真係有排攪 ......唉!

網誌被迫搬新屋

 yahoo blog 要關閉..........
我個 blog 點算呀! 4 年幾 既心機，無晒 !
雖然說有搬遷補助，但成功率又幾高真係唔知道，
搬搬吓唔見緊 d 都唔出奇....

唉 ! 萬般不情願下，被迫強拆........無心機呀!

還記得2009年5月12日，我開始寫了第一篇網誌，
當時都唔知寫咩好，短短幾個字就叫學人寫blog，哈哈 ! 
雖然我不是勤力寫blog 的人，數數吓原來都寫了119篇，

閒遊大理

在廣闊的藍天下，終於完成了踩單車遊大理的心願了
呵呵 ! 太陽花向我微笑了

大理的藍天

第一次去大理是2003年，大理是什樣的，畢竟十年沒去了..........

已經不記得清楚了，十年後再重遊大理....

哈哈 ! 一樣是不太清楚，因為帶著朋友去玩，忽然肩負上領隊重任 

因為假期有限，所以朋友就跟我走馬看花地玩景點，沒時間留給他們深度行.....

有點遺憾tim......

唔緊要啦 !下次有機會再同你地去玩過.....

十年前已經很喜歡大理的藍天，十年後真的一點也沒變 

伯公拗至石壁水塘 @ 2013

早排細佬號召我324去行山....

個心15 16 去唔去好呢 ??

每次佢都話好輕鬆, 每次都行到我半死

見佢今次話跟旅行家去行

應該都會唔會太難

算啦 ! 懶咗咁耐, 都係時候要出去運動一吓了 .........

晨早約咗 9:15am 係東涌等

仲叫我唔好遲, 哈哈 ! 我真係冇遲

去到仲見到阿charles同大家briefing 緊

衰人



點知佢自己遲咗一粒鐘

啍! 嚟到仲問咁多人應該未上到巴士，點都追到

真係比佢吹啤

遲咗一粒鐘有多既情況下，就係東涌出發

今日行程伯公拗至石壁水塘

全程都好易行，先係上後下山

途中風景仲好靚 tim

不過天氣就麻麻，陰陰天......

行行吓仲落雨 tim

310 過大海慶生日

一年時間話咁快就過去了，舊年既生日過咗澳門慶祝

今年好朋友話唔好比佢停，繼續過大海慶祝..........

其實都係搵個藉口過去食嘢 !!! 

一落船就走去咗氹仔 kafka.............

去到要等位, 好似好人氣喎 !

東北之旅 @ 烏蘇里淺灘

2012年12月21日 是日冬至又係世界未日大日子

一覺醒來，好彩太陽仲係度，依舊都係東面升起...............

東北之旅 @ 漠河

從漠河回來已經三個月了, 現在才捨得走上嚟寫埋e個遊記，真係有d 懶呀!

2012年12月20日 從哈爾賓出發坐飛機去漠河  ，開始找北之旅了

7 點鐘.....東北大地的太陽才剛剛升起，感覺到太陽那份暖意直照入我的心窩裡，甜晒!

唔好以為我會坐e隻大飛機..........

東北之旅 @ 哈爾賓

2012年12月18日
從內蒙通遼坐了8 小時火車到，三點半鐘終於到達哈爾賓火車站，

步出火車時的第一個感覺就是非常冰冷….

拖著行李喼出站要有點心理準備，

要落一條長樓梯又要上一條長樓梯先可以出到站，

記得出站前不要拋棄你的車票，因為出站時要檢查.......

步出車站，車站附近就有好多黑車司機搭訕，

什麼去道里120, 一陣又話100,轉頭又話 60...........

沒好氣，上網做好了功課，

知道從火車站打車去兆麟街都是一個起步價，

所以決定排隊打車過去，誰知道一等就等了一個小時多，

雖然只花了9元的士費去到兆麟街的快捷酒店，

但換來就是半條腿凍僵了，臉頰耳朵也被吹到刺痛，

難受死了，這次等車的經歷實在太深刻吧!

雖說冷，晚上還是出外走了一轉...........