今次去咗 8日，仲帶咗3個朋友去 tim，所以自己都要plan得個行程要妥妥當當，
希望大家都可以玩得舒舒服服開開心心啦 ! 做咗咁多資料搜集，同大家分享吓小小資料和心得啦
鄉下妹既行程唔可以叫窮遊，最多叫經濟團啦! 哈哈 ! 唔講咁多，寫 d 資料出嚟先啦 !
昆明去大理
因為黃昏機先到昆明，所以選擇夜晚坐火車去大理，一來可以慳番一晚住宿錢，二來又可以
慳番 D 車程時間，簡直prefect 呀 !晚上有2 趟既火車好啱架 ，所以寫出嚟比大家抄考吓啦!
K9602/K9603 ~ 22:55 - 05:59
K9636/K9637 ~ 23:38 - 07:12
其他火車班次可以上 www.12306.cn 自己查啦!
火車站有建新園 & 德克士 可以去到先食嘢 !
又或且時間許可，唔使趕火車，可以去錦江大酒店入面間福照樓食雲南氣鍋雞
(有睇舌尖上的中國就知E間嘢有幾出名了)，不過好快買晒......
昆明機場去火車站
機場巴士 2 号線 ，去到錦江大酒店下車，落車已經望到火車大樓，向前行2-300米到啦!
大理去麗江大巴 (車程: around 4 hrs)
青豆總管代訂，係客棧有車接到大巴上車地方，唔使自己拖行李搵車....so good!
麗江去香格里拉 : 包車師傅 13988793225
我係豆瓣見到有一間叫青豆既客棧，地方好似幾好，簡簡單單又唔老土，咁就決定訂住了。
客棧基本上和豆瓣的相差不多，夏天住會有點熱，因為冇冷氣供應，只有吹風機，有 wifi &
24hrs熱水，我間房係地下，熱水真係好勁好熱，不過朋友住樓上 d 水壓就差咁 d 啦 !
店哥是80後年青人，到店會跟你講解行程路線，可以代訂去麗江的大巴票，昆明機場包車到
大理都得，大理火車站接送，各樣包車都可以代勞，如果懶懶地唔想找攻略都係唔錯既選擇.....
不過地點有點遠離古城，慢慢行去古城要20-30分鐘，喜歡寧靜就最啱，另類選擇當然係人民
路上啦 ! 有好多特色店舖 & 晚上還有好多小攤販，幾好 feel 架
青豆天台可以眺望蒼山，仲有個涼亭比我發呆曬太陽tim
24hrs熱水，我間房係地下，熱水真係好勁好熱，不過朋友住樓上 d 水壓就差咁 d 啦 !
店哥是80後年青人，到店會跟你講解行程路線，可以代訂去麗江的大巴票，昆明機場包車到
大理都得，大理火車站接送，各樣包車都可以代勞，如果懶懶地唔想找攻略都係唔錯既選擇.....
不過地點有點遠離古城，慢慢行去古城要20-30分鐘，喜歡寧靜就最啱，另類選擇當然係人民
路上啦 ! 有好多特色店舖 & 晚上還有好多小攤販，幾好 feel 架
青豆天台可以眺望蒼山，仲有個涼亭比我發呆曬太陽tim
 |
| 青豆天台拍的蒼山景 |
青豆客棧
http://www.douban.com/group/topic/34115796/
http://hotels.ctrip.com/hotel/393939.html#ctm_ref=hd_0_0_0_0_lst_sr_1_df_ls_1_n_hi_0_0_0
人民路上有一間叫貓貓果兒既客棧都好出名，大家有興建可以試吓去住!
(我經過門口真係幾靚，but 好 full 架) ~ 貓貓果兒 : 13988510321 (不設網上訂房服務)
麗江住宿 : 秘密花園
被e間客棧吸引係因為睇到website上的房間 裝飾幾靚，唔係老老土土既客棧房，咁就訂咗住e
間了，基本上都干淨，去到店到度就緊係會有d 出入啦 ! 不過住得客棧就唔可以要求太高了。
原本係網上確認好住邊間房，哈! 去到居然話上一手未退房要我地住住其他房間先，我覺得這
一點給扣了少少分，不過熱水 and wifi 都好 到位，算啦 ! 住得客棧就係會好人性化啦 ! 服務員
小妹的態度尚可啦 ! 配套方面當然有啦 ! 都係果d 啦 ! 包車接送都可以代安排.....
但有一點係，由四方街入去真係好近，靜中帶旺，不過拉喼由大水車行入去，你會想死的....
麗江面的包車阿姨: 13628887783 (來回$150 )
(多幾個人去玉龍，就包車啦 ! 抵過坐公車)
秘密花園客棧
http://blog.sina.com.cn/thesecretgardenhotel
http://hotels.ctrip.com/hotel/84648.html#ctm_ref=hd_0_0_0_0_lst_sr_1_df_ls_1_n_hi_0_0_0
香格里拉住宿: 紅石頭 & 暖山
其實香格里拉 d 住宿，緊係冇麗江咁多選擇啦! 不過都有好多出名既客棧，自己慢慢選擇啦 !
先講紅石頭先啦 ! 都幾出名架，地點係古城停車場果邊入，沿右手邊梅里花園條斜坡上到頂就
係喇 !當日我拖住個喼行上斜路簡直係折騰死我呀! 唔信就去試吓啦!
客家的服務員態度好好，房間有點細，干唔干淨就因人而異la ，客棧樓房是用木建的，
所以出出入入會有點嘈，不過我地住尾房，只會係我地嘈人囉! 呵呵!
客棧有好多公共休憩空間，傾計食嘢都好鬼
舒服，有一晚我地唔想出去，係E 樹 ORDER
咗火鍋係度十吓十吓都唔知幾過癮，因為成
個場我地自己包晒，食完就上房瞓，
瞓飽就落嚟嘆杯 coffee ，嘻嘻 ! 懶懶地hea 吓 都好舒服。
佢杯 雲南小粒 coffee 都唔錯，嘢食就一般般啦 ! 可以接受啦!
相比起紅石頭，我會喜歡暖山多一點，房間和浴室比較大，沖熱水涼超正，
地方真係好干淨，好舒服，不過就冇窗，通風就麻麻地，但係香格里拉夜晚好涼，
有冇窗都唔係問題。有一點要提醒大家，暖山係冇電視機ga, 電視迷就......難受 d 喇
e間客棧d相係像真度最高的，
有90%同淘寶上的照片一樣
位置係古城停車場行過去都唔使5分鐘，好方便
客棧有一個園子，車可以駛入去，拖喼就冇問題啦 !
不過公共空間就有點暗， 客棧是一位北京來的小妹開，
媽媽不放心就跟埋嚟幫手囉! 果然係世上只有媽媽好丫，
阿姨煮 既烤餅 & 南瓜粥 好好味，唔知係未食
咗幾日火鍋有 d 厭，所以咁清既都覺得特別
正! 哈哈 !
暖山客棧 http://shop72539035.taobao.com/shop/view_shop.htm?user_number_id=911796226
食方面呢 .......
如果係大理推介 小段廚房，大碟而且味道又好，店家服務又 ok，重點係好啱廣東人口味
地點係人民路上，貓貓果兒附近
店主推介 e 碟 酸梅排骨...超好味呀 !
記得要 order 個酸奶食，真係好好味 ga
除此之外: 係大理仲有間私房菜叫石井，好似好出名
e 度好多當地人去食，經常爆滿，冇咩服務可言
地方環境.....哈哈 ! 好地道...你明啦!
食物都可以接受啦!
食才新鮮 & 款色比較清淡，唔等於味道清淡
即係家庭菜 feel 囉 !
e 個什菜鍋好出名架，記得去 到要 order 試吓!
如果路過玉洱路330号就可以去試吓啦 ! 鄉下妹覺得唔使專登去試食
講到食在麗江呢 !!!! 沒有一間覺得特別好食, 可能唔啱我胃口啦 ! 所以冇咩好講好介紹
至於香格里拉又點少得食秏牛火鍋，推介去拉吉薩達客棧食秏牛火鍋
家庭式食店，又大煲又好食，唔算太貴 (我覺得)，分大中小煲 100蚊人仔左右啦 ! 有機會去試吓啦 !
地點就係古城停車場入去留意右手邊，好易搵架， e個係佢間客棧既地址
哈哈 ! 唔好太長氣，小小後遊記就寫到這裡好了
非常詳細既資料~
回覆刪除木屋好特別呢！
回覆刪除