香格里拉之旅@普達措

Day 2 (晴) 1 APR 12

晨早5點幾鐘起身出機場，準備坐7點鐘機飛香格里拉。

係賓館行過去昆明機場唔使5分鐘超方便，不過一步入機場，簡直係惡夢.......

機場指示極少，七角咁亂........人山人海.....剩係知道有個東方航空.....

搵咗一陣都唔見我坐個間翔鵬航空既COUNTER，

之後再問人先知佢個COUNTER係邊，當時已經6 點la......開始有D焦急了........
急急腳走過去.......死la.............

幾條AIRLINES 共用幾個CHECK-IN COUNTER，

OMG 全部排長龍，打晒蛇餅，都唔知邊條龍打邊條龍........

完全冇人維持秩序，打尖既打尖，大叫既大叫.........煩死呀 ! 

6:15分了，前面仲排緊成10個人..........

頂! 已經心都煩晒，仲有個女人揸住吋幾兩吋既身份證想打我尖.....

我即刻用我超爛既普通話鬧佢，佢仲話 ....無呀! 我企係度打電話.......吹脹!

好在前面既人都單身客，最終都可以順利攞到BOARDING PASS......不過好險.....6:30了

昆明飛香格里拉一粒鐘，好快就到了.......

一出迪慶機場..........感覺好細.......好寧靜喔!




行出機場好似咩車都冇，得幾架車仔.......

跟住就有個黑忟忟既師傅就嚟叫我地包佢車出古城30元，去埋客運站就40元

上網睇過打的20蚊，其實有D猶豫，不過之後去普達措都要包車.....

咁不如睇吓E個師傅啱唔啱，好既就繼續包佢架車啦!

先叫師傅車我地去客運站，買好明天去德欽車票........

再叫師傅車我地去食早餐........

師傅好細心地問我地鍾意食咩，跟住我地話要食藏式早餐.......

咁佢就帶我地去食粑粑同飲酥油茶...........



炒土豆.......當地好興食土豆



食完早餐就包師傅架車去普達措.........開價120元(心想都好老實WOR,上網搵料多數都話要150元)

不過點都唔夠祖國既門票貴，要入普達措...........多謝先比190元入場卷.......超貴呀!

入到去先坐個環保車去咗屬都湖.........

沿著湖邊既棧道行，大概一粒鐘........



環境都算OK，可能是3,4月份，景色未係最靚.........

 

行咗 一粒鐘，開始有D感覺自己係3595M上........好累呀!

坐番上環保車，導講員話去唔到碧塔海.........不過天氣好好,可以見到雪山.......

車子忽然停低，導講員話落車啦!

一落車.....好靚呀!  見到我們行程既第一座雪山...........天寶雪山

不過開始有D高反發作，行上觀景台都有D辛苦喔 !



遠望碧塔海.......

 

玩完普達措.......食埋E碗面.....就叫師傅幫我地搵埋酒店住......



再多口問埋去德欽包車幾錢，師傅話950元，仲車埋我地去西當溫泉......

同朋友考慮了一會，最後決定退票包車........

咁就可以輕輕鬆鬆唔使迫大巴.......

是日5點鐘開始，高反發，又痾又嘔.............

唔知係未唔受得D酥油茶，一想起仲嘔得勁D.......

成晚就係度不停嘔，最慘仲要瞓唔到!