麗江之旅 @ 瀘沽湖

DAY 8 (晴) 7 APR 12

我地原本打算早一天去，但7號下午去買已經買唔到9點既車飛

(麗江客運站每日有2班車去瀘沽湖9點同10點)，

我地因為未BOOK地方住，唔想夜mama去搵唔到地方住，

如果早D去未可以先一步選客棧lor........heehee

於是就決定遲一日過去，反正因為沒上雨崩，時間鬆動咗好多.....

之前返大陸既經驗，坐巴士會唔跟飛仔坐，所以我地預早去到作最壞既爭櫈仔準備.....

如果坐最尾一排就敝la.......

好在e條旅遊線已經好成熟，大家係唔使爭櫈仔坐的，對號入座就得la........

成架大巴有34個位，最尾個排當然係3字頭啦!

所以買飛時記得問問售票員個坐位編號先好買，如果好趕就冇計啦!

大巴大巴，唔好以為係豪華大巴，由於山路多彎，佢地既大巴真係好迫ga......

隻腳想伸吓都有難度呀!  千萬不要打算將個手提行李跟身，最好就放係車底....

抱住佢6粒鐘都幾係ga.........

一上車司機會同你講，車程要幾耐，中間會停一停食飯............之後就會開車 la

開車無耐就見到一條爛路..........

之後我就發揮我既小宇宙.............. 瞓咗 la ! 

忽然聽到司機講嘢，原來到咗出名既18彎wor...............

佢停咗車比我地影，但唔准落車，話怕危險wor..............

大家只好係個窗度不停咁影啦! 可惜我冇影到，因為個窗唔係我個邊..........

之後大概10:30度啦!  司機又停咗車............

咩話我冇聽錯ma..........又係長江第一彎......攪咩鬼呀 ?? 究竟有幾多個第一呢 ??

司機放低我地係觀景台度影相，要去洗手間e 度有，不過要準備一蚊雞去廁所

無論係香格里拉或麗江，最好就係準備 d 散紙，因為好多廁所都要比錢ga......

佢地d收費廁都幾干淨ga，反而免費既就.........

上番車之後我就做咗死豬la.............

其間除咗食飯個半粒鐘醒過之外，其餘時間我都瞓得好num......

所以途中有咩風景同條路係點我真係唔知道了.............

只知架車應該係龜速前進，所以悶到我做咗死豬....哈哈!

去到瀘沽湖收費站大概2:30pm，又要比錢既時候.......100蚊又飛走了

都唔明大陸d門票點解會咁貴ga ???

之後架車開多半粒鐘就去到大落水.......

落車之前司機會講最好先買定回程車票，可以免費改一次乘車時間....

車站有好多包包車，問好價就可以上車...............

由大落水去里格村都要20分鐘車程，行路應該都要粒半鐘起碼........

此時最好問定司機攞定電話，方便第二日去環湖遊...........

係里格落車行去里格半島要行成20分鐘咁遠.............

里格村有好多客棧可以選擇，不過近里格半島既客棧大多都會滿房，

靚景又臨湖當然會多人租d 啦 !

e 間係里格村其中一間我覺得好靚既客棧，去咗3日佢都係 full 咗 ........



我地繼續飛奔向里格半島踫吓運氣先啦 !

搵咗一陣島上大多客棧都full 晒，最後比我地搵到佢.................

熱水好ok，地方夠干淨，仲有wifi用............so good !

不過話晒都係木屋，隔聲就會差 dd lor.............

揾完地方住緊係轆出去走走先啦!

 爬咗上個小山丘影的，咁樣望落去真係靚爆呀 !

彩虹都睇到，今次既旅程真係無得頂呀 !







四周圍都係食烤豬&土雞，我就冇食過未道唔知點丫...............



E 個小炒肉同燒茄子............超好味呀!



食完嘢行番去時，抬頭一看.................

滿天都係星星........超靚呀 !  不過我部相機影唔到D靚 星星......



DAY 9 (晴) 8 APR 12
第1個係瀘沽湖既日出，我選擇了在半島上看............



等見到太陽時個天已經光晒，冇驚喜.....



睇完日出之後，我地就去搵包車lu...................

原本約好一對情侶一起拼車遊湖，點知佢地放飛機..........

攪到臨急臨忙去再搵人拼車，路上遇上另一對情侶一同拼車

之後果對情侶硬要等夠6人一車，為咗$150/6個人，足足等咗一粒鐘...............

如果唔係朋友堅持拼車，我真係唔會等呀 !

其實最貴都係300元個隻大環湖，平既150元都有得傾...............

之後都係等唔到，激死 !

最慘一同拼車既人有d 地方係早一日已經去咗，開咗車佢地先講.............

唔怪得知佢地唔肯遊大環湖啦!  我真係有d 火火地......

下面 d 相就係用咗$37.5換來的...............

情人樹定姊妹樹......是但啦! 冇咩特別丫!



出水石 ?? 哈哈 ! 咩都睇唔到囉 !!!!!

嘩 ! 情人灘..........仲衰過銀礦灣 ..............

想過走婚橋都唔易，行埋e條路先啦!







新走婚橋



舊走婚橋





DAY 10 (晴) 9 APR 12
今天我坐咗小船去駱駝島睇日出，原本以為坐係船上睇，

點知係要行上小山丘看的‧....Oh no.........天未光又斜........好在有帶電筒...

未天光咩都睇唔到，番落嚟再回望上島條山路.................

想去駱駝島睇日出，記得要早點出發，覇番個有利位置，因為地方好細，

一晏就好多人湧上去睇，企都冇地方企呀 !

駱駝島上看的日出..........





我覺得日出景色一般 ! 值唔值得一早去睇就見人見智la......

不過回程時所看到的景致，我覺得比日出更加靚更加優美............

話咁快就係瀘沽湖過咗2天，住咗2 日我地發現................

唔使買定客運車票，如果住里格係可以坐里格既旅遊專線回程，

唔使好似我地咁，又要搵包車出番大落水，我地果日都搵咗一陣先搵到車出去，有d麻煩呀!

其實我在搵資料既時候，見到e d旅遊專線係去程時會強迫消費，

所以我冇搭佢去瀘沽湖，又因為我見網上有人比d專線車司機放飛機，

仲有d話d 車輛既性能好差，有很多唔同既壞資訊..........

所以我覺得坐大巴有一定既保障，不過就唔方便 lor.............