麗江之旅 @ 束河古鎮

DAY 11 (晴) 10 APR 12

我地係金凱廣場(即係黑山羊一條街附近) 坐5路公車($1) 直達束河古鎮，途中會經過拉市海入口處.....

大概都要坐半個鐘度啦!  坐到總站落車，跟住馬路行15分鐘，就見到古鎮大門

呵呵! 沿路仲可以見到油菜花.....正呀!

我地仲走咗落田度玩影相tim




網上話要買門票，係就係有個收費站，其實可以完全不理，直行直過，自出自入

束河比麗江古城細好多，所賣既貨品都比麗江平D.............

加上人小D，比較寧靜，所流過的水也比麗江那邊清潔，並未受太多人為污染....

除了這點寧靜美，感覺上同麗江古城差不多....

古城四周圍都有好多生果買，我地都買咗幾個食........

仲立即係條小流水度洗生果食，D水好涼好清潔ga.........

都仲有好多舊舊地既建築物，係e度影人象相都幾靚ga

入面有好多食店，休休閒閒係度hea都好鬼舒服..........



不過果日真係好鬼熱呀 !　又唔係好特別，所以行咗一陣就走ｌａ。。。。