又睇又食遊澳門

尋日佛誕去咗澳門睇水舞間

去到澳門又點小得去食丫

一日時間就係食，氹仔食完又去新馬路食，食完又番去氹仔睇水舞間，睇完又係食

哈哈 ! 飽到想嘔呀 !

一落船飛奔就去氹仔官也街，原本想食大利來豬扒包，不過佢地而家只做外賣

要坐定定食既就要遲d去威尼斯食la

目標之一既氹仔豬扒包...........一定定定要食丫

咁唯有走咗去對面個間氹仔茶餐廳食啦!

佢個豬扒包都幾好味，個豬仔包好新鮮，熱辣辣個面有D脆脆地，入面軟軟熟熟，

豬扒唔太肥又唔多油，感覺上都唔錯丫

食完E餐都未落格，又走咗去新馬路陶陶居食

坐低咗冇耐就見到朋友仔攞住2盒葡tart

原來佢係路環買咗盒安德魯葡TART比我地食，比起新馬路瑪加烈真係好食好多ga

去陶陶居就係為咗食e個翅la.......

盤盤雞，一睇就知係蒸雞啦! 蒸成點 ? 我食雞胸肉都唔覺好老，都ok啦 !　

味道未似金針雲耳蒸雞果d 味，由於我唔喜歡食蒸雞，所以我比6分佢啦 !





叫咗杯紫氣東來......lime+grape juicy........仲有D香芧味TIM

haha....幫助消化

食完又要趕下場，睇水舞間la.....

水舞間既舞台設計真係好正，D水唔知邊樹出嚟，一陣又唔見晒........

舞台效果一流，舞蹈員與轉場佈景配合都好好....

 原本以為有個舞字就有好多跳舞場面tim，原來舞蹈場面其實唔多，

舞其實係"舞台"個舞......嘻嘻 !

其實係一個舞台劇加雜技表演，都幾好睇啦!

不過純講雜技我會覺得長隆個正d 啦!

睇完又係食既時間了......

下一站 ! 氹仔山度士葡國菜......



馬介休炒飯......不過不失啦!

e個係佢出名既燒乳豬..............no ok 呀!

焗鴨飯....係我覺得全餐最好食既嘢! 但唔代表佢好好食，算係正常!!

仲有e度個menu選擇好小又貴又細碟，

貴都唔緊要又唔係好食，賣相仲麻麻地tim

美術分都冇埋no good 呀 !   一定冇下次

食完之後仲要走去篤波霸魚蛋食+木糠蛋糕

先可以平衡一吓自己既心理